ހެލްތު ކެއަރ ވޭސްޓް މެނޭޖްމަންޓް ތަމްރީން 14 އަތޮޅެއްގައި ކުރިއަށް ގެންގޮސްފި

މުޅި ރާއްޖެއަށް އަމާޒުކޮށްގެން ކުރިއަށް ގެންދާ ހެލްތް ކެއަރ ވޭސްޓް މެނޭޖްމަންޓް ތަމްރީން ރާއްޖޭގެ ގިނަ ސަރަހައްދުތަކެއްގައި ކުރިޔަށް ގެންގޮސްފި އެވެ.

ހެލްތު މިނިސްޓްރީން މިއަދު ބުނީ މި ތަމްރީން ކުރިޔަށް ގެންގޮސްފައިވަނީ ދުނިޔޭގެ ޞިއްޙަތު ޖަމްޢިއްޔާ އާއި އެ މިނިސްޓްރީ ގުޅިގެން ކަމަށެވެ.

އެގޮތުން މި ތަމްރީން މިހާތަނަށް ކުރިއަށް ގެންގޮސްފައިވަނީ ރާއްޖޭގެ 14 އަތޮޅެއްގައި ކަމަށާއި އެ އަތޮޅުތަކަކީ، ހއ، ހދ، ށ، ނ، ރ، ބ، ޅ،ފ، ، ދ، ތ، ލ، ގއ، ގދ އަދި އައްޑޫ ސިޓީ ކަމަށް ހެލްތު މިނިސްޓްރީން ބުނެއެވެ.

މި ތަމްރީންގެ މަޤްޞަދަކީ ދެމެހެއްޓެނިވި އަދި ރައްކާތެރި ގޮތުގައި ޞިއްހީ ޚިދުމަތްދެ ތަންތަނުގައި ކުނި މެނޭޖްކޮށް އެކަމަށް އުސޫލުތަެއް ހެދި ދެމެހެއްޓެނިވި ގޮތެއްގައި މި މަސައްކަތް ކުރުން ކަމަށް ހެލްތު މިނިސްޓްރީން ބުނެއެވެ.

ޑަބްލިޔު.އެޗް.އޯ ، މިނިސްޓްރީ އަދި ޔޫ.އެން.ޑީ.ޕީގެ އެހީތެރިކަމާއި އެކު ކުރިއަށް ގެންދާ މި ތަމްރީން އަށް ކެނެޑާ އަދި ޖަޕާން ސަރުކާރުން އެހީތެރިކަން ފޯރުކޮށްދެއެވެ.