ދޫހިމެރިގެ ތަޅާލުމަށްފަހު މަގު ހުޅުވައިފި

އަލިފާނުގެ ހާދިސާގައި ގެއްލުން ލިބުނު ހ. ދޫހިމެރިގެ ތަޅާލުމަށް ފަހު, ދޫހިމެރި މަގު ހުޅުވާލާއިފި އެވެ.

ސެޕްޓެމްބަރ މަހު 9ވަނަ ދުވަހު ހިނގައިދިޔަ އަލިފާނުގެ ހާދިސާގައި ދޫހިމެރިގޭގައި ހިންގަމުން އައި "ގާމަގު" ކެފޭ އަށް ވަނީ ބޮޑެތި ގެއްލުންތަކެއް ލިބިފައެވެ.

މި ހާދިސާއާ ގުޅިގެން އެ އިމާރާތުގެ ބޮޑު ބައެއް ވަނީ ބޭނުން ނުކުރެވޭ ވަރަށް ހަލާކުވެފައެވެ. އަދި އިންވެގެން ހުރި އިމާރާތުގެ ދެ ފަންގިފިލާއަށްވެސް އަލިފާނުގެ އަސަރުކޮށް ގެއްލުން ލިބިފައިވެއެވެ.

މި ޙާދިސާއަށް ފަހު އެ ސަރަހައްދު ސާފުކުރުމުގެ މަސައްކަތް ކުރިޔަށް ގެންދިޔައީ ސިޓިތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާ ބެހޭ ވުޒާރާއިންނެވެ. އެ ސަރަހައްދު ސާފުކުރުމުގެ މަސައްކަތްކޮށްފައިވަނީ ދޫހިމެރިމަގު ބަންދުކޮށްގެންނެވެ.