މަސްދޯނީގައި ހިނގި އަލިފާނުގެ ހާދިސާގައި 5 މީހަކަށް އަނިޔާވެގެން ފަރުވާ ދެނީ

މަސްދޯނީގައި ހިނގި އަލިފާނުގެ ހާދިސާގައި 5 މީހަކަށް އަނިޔާވެގެން ފަރުވާ ދެމުން އަންނަ ކަމަށް ފުލުުހުން ބުނެފި އެވެ.

ފުލުހުން ވިދާޅުވީ، ކުރުނބާ މޯލްޑިވްސް ރިސޯޓް ކައިރިން މަސްދޯންޏެއްގައި އަލިފާން ރޯވެފައިވާ ކަމުގެ މައުލޫމާތު މިއަދު 2:54 ހާއިރު ފުލުހުންނަށް ރިޕޯޓްކޮށްފައިވާކަމަށެވެ.

މިހާދިސާ ހިނގިއިރު ދޯނީގައި 15 މީހުން ތިބި ކަމުގެ މައުލޫމާތުލިބިފައިވާކަމަށް ފުލުހުން ބުނެއެވެ. އަދި މިހާދިސާގައި 5 މީހަކަށް އަނިޔާވެގެން ފަރުވާދެމުން އަންނަ ކަމަށްވެސް ފުލުހުން ވަނީ ބުނެފައެވެ.

އަނިޔާލިބިގެން މާލެ ގެނެސް ފަރުވާދެމުންދަނީ، 2 ދިވެހިންނާއި، 3 ބިދޭސީންނަށެވެ. އެ މީހުންނަށް ލިބުނު އަނިޔާގެ ތަފްސީލެއް އަދި ލިބިފައެއް ނުވެއެވެ.

އަލިފާން ނިއްވުމުގެ މަސައްކަތުގަައި ހުޅުމާލެ ފަޔަރ ސްޓޭޝަނުގެ ސިފައިން މަސައްކަތް ކުރަމުން އަންނައިރު، އަލިފާންގަނޑު މިހާރު ވަނީ ކޮންޓްރޯލް ކޮށްފައެވެ.

އިތުރު ތަފްސީލް އަންނަނީ…..