--
ށ މާއުނގޫދޫގައި ނެގި އެމްޑީޕީ ބޮޑުދިދައަށް ގެއްލުންދީ މޫދައް އެއްލާލައިފި އެވެ.
މިކަމާއި ގުޅިގެން މިއަދު އެޕާޓީގެ ރައީސް އަބްދުالله ޝާހިދު އެކްސްގައި ކުރި ޕޯސްޓެއްގައި ވިދާޅުވީ ށ. މާއުނގޫދޫގައި އެމްޑީޕީގެ މެމްބަރުން ނެގި ބޮޑުދިދަ، ނެގިތާ 24 ގަޑިއިރުވެސް ނުވަނީސް ރޭގެ ވަގުތެއްގައި ދިދައަށް ގެއްލުންދީ މޫދަށް އެއްލާލުން ކުށްވެރިކުރާ ކަމަށެވެ.
އަދި ސުލްޙަވެރި ސިޔާސީ ޙަރަކާތަށް ފަރިތަވާން އެބަޖެހޭ ކަމަށާއި އިދިކޮޅު ޕާޓީއަށް ޤައުމުގެ ސިޔާސީ ވެށީގައި ޖާގަ ލިބެން ޖެހޭނެ ކަމަށް ޝާހީދު ވިދާޅުވިއެވެ.ޝާހީދު ވަނީ މި ފިނޑި ޢަމަލު ހިންގި ފަރާތްތަކާއިމެދު ޤާނޫނީ ގޮތުން ފިޔަވަޅު އެޅުމަށް ސަރުކާރަށް ގޮވާލާފައި އެވެ.
ގާފު ނޫހަށް މައުލޫމާތު ލިބިފައިވާ ގޮތުގައި ދިދައަށް ގެއްލުން ދިނުމުގެ އިތުރުން އެރަށުގައި ހަރު ކޮށްފައި ހުރި އެޕާޓީގެ އެހެން ދިދަތަކަކަށްވެސް ވަނީ ގެއްލުންތަކެއް ދީފައި އެވެ.
މި މައްސަލަ ފުލުހަށް ހުށަހަޅާފައިވާކަން އަދި މިހާތަނަށް ކަށަވަރުވެފައި ނުވާއިރު މިކަމާއި ގުޅިގެން އަދި ފުލުހުން ވަކި ބަހެއް ބުނެފައެއް ނުވެއެވެ.
ގުޅުންހުރި
2028 ވަނަ އަހަރުގެ ރިޔާސީ އިންތިހާބަށް އެމްޑީޕީގެ ރިޔާސީ ޕްރައިމެރީގައި ފައްޔާޒު ވާދަކުރައްވަނީ
އާބަން ސެންޓަރުތައް ގާއިމްކުރާ ރަށްތަކުގެ ލިސްޓުގައި ދެކުނާއި ތިލަދުންމަތި ނެތުމުން ޝާހިދުގެ ކަންބޮޑުވުން!
އެމްޑީޕީގެ "ލާމަރުކަޒީ ގުޅުން" ކޮންފަރެންސް ކުޅުދުއްފުށީފައި ފަށައިފި
މާއުނގޫދޫގައި ނެގި އެމްޑީޕީ ބޮޑުދިދައަށް ގެއްލުންދީ މޫދައް އެއްލާލައިފި
ފަހުގެ
