އަރްޖިތުގެ ކޮންސަޓެއް އަންނަ ނޮވެމްބަރު މެލޭޝިއާގައި!

ބޮލީވުޑްގެ އެންމެ މަގްބޫލު އެއް ލަވަކިޔުންތެރިޔާ ކަމަށްވާ އަރްޖިތު ސިންގުގެ ލައިވް ކޮންސަޓެއް އަންނަ ނޮވްމްބަރު މަހު މެލޭޝިއާގައި ބޭއްވުމަށް ތާވަލުކޮށްފި އެވެ.

މި ކޮންސެޓު އިންތިޒާމުކުރާ ހިޓްމަން ސޮލިއުޝަންސް އާއި ސިނެސްޓާ އިވެންޓްސްގެ އިންސްޓަގްރާމް ޕޯސްޓެއްގައި ވާގޮތުން އިންޑިއާގެ ލަވަކިޔުންތެރިޔާ އަދި މިއުޒިކް ޕްރޮޑިއުސަރު އަރްޖިތުގެ މި ކޮންސެޓަކީ ފާއިތުފވި 10 އަހަރުގެ ތެރޭގައި މެލޭޝިއާގައި އަރްޖިތު ދޭ ފުރަތަމަ ކޮންސެޓެވެ. އެގޮތުން އެންމެ ފަހުން އޭނާ މެލޭޝިއާގައި ޕާފޯމް ކޮށްފައިވަނީ 2014 ވަނަ އަހަރު އެވެ.

މި ކޮންސެޓު ބޭއްވުމަށް ނިންމާފައިވަނީ 16 ނޮވެމްބަރު 2024 ގައި އެކްސިއާޓާ އެރީނާ ބުކިތު ޖަލީލްގައިއެވެ.

މި ކޮންސެޓުގެ ޕްރީ ސޭލް ޓިކެޓް ހޯމަ ދުވަހުގެ މެންދުރުން ފެށިގެން ލިބެން ވިއްކަން ނިންމާފައިވާއިރު ޕްރީ ރެޖިސްޓާރ ނުކުރާ ފަރާތްތަކަށް ޓިކެޓް ވިއްކަން ފަށާނީ އަންގާރަ ދުވަހުގެ މެންދުރުން ފެށިގެން މެދުވެރިކޮށެވެ.

މި ކޮންސެޓުގެ އަގުތައް އުޅެނީ މެލޭޝިއާ ރިންގުޓުން ބަލާނަމަ 290 ރިންގިޓާއި 1190 ރިންގިޓާއި ދެމެދު އެވެ.