ހުޅުމާލޭގައި ތަރައްޤީކުރާ 5 ދަނޑުގެ އިންޑޯ ފުޓްސަލް ކޮމްޕްލެކްސްގެ މަސައްކަތް ބާރު ސްޕީޑުގައި ކުރިޔަށްދާނެ!

ހުޅުމާލޭގައި އިންޑޯ ފުޓްސަލް ކޮމްޕްލެކްސްއެއް ތަރައްޤީކުރުމުގެ މަސައްކަތް ކުރިޔަށްދާ ކަމަށް ކުޅިވަރާއި ބެހޭ ވަޒީރު އަބްދުالله ރާފިއު ވިދާޅުވެއްޖެ އެވެ.

ވަޒީރު ރާފިއު މިކަން ހާމަކުރެއްވީ މިއަދު ރައްޔިތުންގެ މަޖިލީހުގައި މެމްބަރަކު ކުރި ސުވާލަކަށް ޖަވާބުދެއްވަމުންނެވެ. އެގޮތުން ވަޒީރު ވިދާޅުވީ ފުޓްސަލްއަށް ސަރުކާރުން ދެއްވާ އަހައްމިއްޔަތުގެ ތެރެއިން ހުޅުމާލެ ސަރަހައްދުގައި 5 ދަނޑުގެ އިންޑޯ ފުޓްސަލް ކޮމްޕްލެކްސްއެއްގެ މަސައްކަތް މިހާރު ކުރަމުން އަންނަ ކަމަށެވެ.

އެގޮތުން މި މަސައްކަތް ބާރު ސްޕީޑުގައި ކުރިޔަށްދާނެ ކަމަށާއި މި ކޮމްޕްލެކްސްއާއި އެކު މާޅެ ސަރަހައްދުގެ ދަނޑުތަށް ބާރު ބޮޑުވުމުގެ މައްސަލައަށްވެސް ހައްލެއް ލިބިގެންދާނެ ކަމަށް ވަޒިރު ވިދާޅުވިއެވެ.

ވަޒީރު އިތުރަށް ވިދާޅުވީ މާލެ ސަރަހައްދުގައި އިތުރު ފުޓްސަލް ދަނޑެއް އެޅުމަށްޓަކައި މިހާރު މަސައްކަތް ފެށުމަށްވާނެ ޖެހޭ ތައްޔާރީތައް ކުރިޔަށްދާ ކަމަށާއި އެދަނޑަކީ ތައިސޭ ކޮށީގައި ތަރައްޤީކުރާ ދަނޑެއް ކަމަށެވެ.

ރާފިއު މިކަން ހާމަކުރެއްވި އިރު ފުޓްސަލް އިންޑޯއަށް 54،992 އަކަފޫޓުގެ ބިމެއް ހުޅުމާޅެ ފޭސް ދޭއްގެ ހިޔާ 16 ވަނަ ޓަވަރުގެ ގެ އުތުރުން ކުރިމަތީގައި އޮންނަ ބިމުން މިއަހަރުގެ ފެބްރުއަރީ މަހު އެޗްޑީސީއިން ވަނީ ސްޕޯޓްސް މިނިސްޓްރީއާއި ހަވާލުކޮށްފައެވެ.