ޕީއެންސީއަށް މެންބަރުން އިތުރު ކުރުމުގެ ހަރަކާތެއް މުޅި ރާއްޖޭގައި ފަށައިފި

ރާއްޖޭގެ އެންމެ ބޮޑު ސިޔާސީ ޕާޓީއަށް ހެދުމުގެ އަމާޒުގައި ސަރުކާރު ހިންގާ މައި ޕާޓީ، ޕީިޕަލްސް ނޭޝަނަލް ކޮންގްރެސް (ޕީއެންސީ) އިން މަސައްކަތް ފަށައިފި އެވެ.

މި ހަރަކާތާއި ގުޅޭގޮތުން އެ ޕާޓީގެ ސެކްރެޓަރީ ޖެނެރަލް ޒީނާޒް އަދުނާން މިއަދު ވިދާޅުވީ މި މަސް ފެށުމާއެކު ޕާޓީއަށް މެންބަރުން އިތުރު ކުރުމުގެ ހަރަކާތްތަކެއް މުޅި ރާއްޖޭގައި ފަށާފައިވާ ކަމަށެވެ. މި ހަރަކާތްތައް މާލެ، ވިލިމާލޭގެ އިތުރުން 12 ދާއިރާއެއްގައި މިހާރު ވެސް ކުރިއަށްދާ ކަމަށް އޭނާ ވިދާޅުވި އެވެ.

މި ހަރަކާތްތަކުގައި، ޕާޓީގެ މެންބަރުން މީހުންނާ ބައްދަލުކޮށް ޕާޓީއަށް ވަންނަން ޝައުގުވެރިވާ ފަރާތްތަކުގެ ފޯމު ފުރައިދިނުން ކުރިއަށް ދާނެ އެވެ.

މި ހަރަކާތުގައި ޕީއެންސީގެ އިސްވެރިންނާއި ޕާލިމެންޓްރީ ގުރޫޕްގެ މެންބަރުން ވެސް ދަނީ ހަރަކާތްތެރިވަމުންނެވެ.