އަބްދުއްރަހީމް އަށް މާމިގިލިން ރަތްދޫލައިގެ މަރުހަބާ އެއް!

ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲ އަށް އދ މާމިގިލިން ރަތް ދޫލައިގެ މަރުހަބާއެއް ދަންނަވައިފި އެވެ.

އަބްދުއްރަހީމްގެ މި ދަތުރުފުޅަކީ, ޖުމްހޫރީ ޕާޓީގެ ލީޑަރު އަދި ރައްޔިތުންގެ މަޖިލީހުގެ މާމިގިލި ދާއިރާގެ މެމްބަރު ގާސިމް އިބްރާހިމްގެ ދައުވަތަށް ކުރައްވާ ދަތުރުފުޅެކެވެ.

މާމިގިލި އެއާޕޯޓުން އަބްދުއްރަހީމް އަށް މަރުހަބާ ދެންނެވީ ގާސިމް އިބްރާހިމް އެވެ. އަދި މި ހަރަކާތުގައި އެއާޕޯޓުގެ އިސްވެރިންނާއި މުވައްޒަފުންގެ އިތުރުން ޖުމްހޫރީ ޕާޓީގެ މެމްބަރުން ބައިވެރިވެވަޑައިގެންނެވި އެވެ.

މި ދަތުރުފުޅުގައި މަޝްވަރާކުރައްވާ ކަންކަން ފަހުން ހާމަކުރައްވާނެ ކަމަށް ޖުމްހޫރީ ޕާޓީން ވަނީ ބުނެފައެވެ.