އިސްލާމީ ކަންތައްތަކާ ބެހޭ ވުޒާރާގެ މުވައްޒަފުންނަށް ރިސާލަތު ޕްރޮގުރާމް ކުރިއަށް ގެންގޮސްފި

އިސްލާމީ ކަންތައްތަކާ ބެހޭ ވުޒާރާގެ މުވައްޒަފުންނަށް ރިސާލަތު ޕްރޮގުރާމުގެ ދަށުން ހާއްސަ ދަރުސެއް ބާއްވައިފިއެވެ.

"ޝަހާދަތުގެ ދެ ކަލިމަ" މި މަޢުޟޫއުއަށް ބޭއްވި މި ދަރުސް ނަންގަވައިދެއްވީ އައްޝައިޚް އަބްދުލްޤާދިރެވެ. މި ދަރުސްގައި އިސްލާމީ ކަންތައްތަކާ ބެހޭ ވުޒާރާގެ ގިނަ މުވައްޒަފުން ބައިވެރިވެލައްވާފައިވެއެވެ.

އިސްލާމީ ކަންތައްތަކާ ބެހޭ ވުޒާރާއިން ފަައިފައިވާ ރިސާލަތު ޕްރޮގުރާމަކީ ރޭވުންތެރި ގޮތެެއްގައި އާއްމުންގެ މެދުގައި ދީނީ ހޭލުންތެރިކަން އިތުރުކޮށް ދީނީ ޕްރޮގުރާމުތައް ކުރިއަށް ގެންދިއުމަށް ފަަށައިފައިވާ ޕްރޮގުރާމެކެވެ.

މި ޕްރޮގްރާމްގެ އެހީގައި އިސްލާމް ދީނަށް ލޯބިކުރާނެ ހަރުދަނާ ޖީލެއް ބިނާކުރެވި، ފަރުޟު ފަސް ނަމާދަށް ސަމާލުވެ، ނަމާދުގެ ޖަމާއަތަށް އިސްކަންދޭ، ހަރުދަނާ އަޤީދާއެއްގެ މަތީގައި ބިނާވެފައިވާ ޖީލެއް ބިނާވެގެން ދާނެ ކަމަށް އިސްލާމީ ކަންތައްތަކާބެހޭ ވުޒާރާއިން ބުނެއެވެ.

މި ޕްރޮގްރާމްގައި އަލިއަޅުވައިލާނެ ބައިތަކުގެ ތެރޭގައި ޝަހާދަތުގެ ދެކަލިމަ, ނަމާދު، ޒަކާތް، ރޯދަ، ހައްޖު، މާތް ﷲ އަށް އިމާންވުން، ރަސޫލުންނަށް އީމާންވުން، އިހްސާންކަމުގެ އިތުރުން އުންމަތަށް މުހިއްމު ފިލާވަޅުތައް ހިމެނެއެވެ.