މާލޭގައި ހުންނަ އާރްޑީސީ ސައިޓުގައި ހުރި ކުނިތަކެއްގައި ރޯވެއްޖެ

ބޮޑުތަކުރުފާނުމަގުގައި ހުރި "އާރްޑީސީ" ސައިޓުގައި، ޖަމާކޮށްފައި ހުރި ކުނިތަކެއްގައި އަލިފާން ރޯވެއްޖެ އެވެ.

ސިފައިން މިއަދު ބުނީ މި ހާދިސާގެ މަޢުލޫމާތު، ރޭ ދަންވަރު 00:13 ހާއިރު ފަޔަރ އެންޑް ރެސްކިޔު ސަރވިސްއަށް ލިބުމާއެކު، ފަޔަރ އެންޑް ރެސްކިޔު ސަރވިސްގެ ފަޔަރފައިޓަރުން ހަރަކާތްތެރިވެފައިވާ ކަމަށެވެ.

އަދި އެ ސަރަހައްދަށް ގޮސް ފަޔަރ ފައިޓަރުން ކުރި މަސައްކަތުން، އަލިފާންގަނޑު އެއްކޮށް ނިއްވާލެވުނީ ރޭ 00:23 ހާއިރުއެވެ.

މި ހާދިސާގައި އެއްވެސް މީހަކަށް އަނިޔާއެއް ލިބުނުކަމުގެ ރިޕޯޓެއްލިބިފައިނުވާ ކަމަށް ސިފައިން ބުނެއެވެ.