ޕީއެންސީގެ ފޯރިގަދަ ހަރުގެ ޖަލާސާއެއް މާދަމާ ރޭ, ނައިބު ރައީސް ހުސެއިންވެސް ބައިވެރިވެވަޑައިގަންނަވާނެ!
އަހުމަދު ޝުރާއު
8/5/2024, 6:17:10 PM
--
ވެރިކަން ކުރާ ޕީޕަލްސް ނެޝަނަލް ކޮންގްރެސްގެ ފޯރިގަދަ ހަރުގެ ޖަލްސާއެއް މާދަމާ ބޭއްވުމަށް އެޕާޓީއިން ނިންމައިފި އެވެ.
ޕީއެންސިއިން މިއަދު ބުނީ އެޕާޓީގެ ވަރަށް ފޯރިގަދަ ޖަލްސާއެއް މާދަމާ ރޭ މާލޭގައި ހުންނަ އެޕާޓީގެ ހަރުގެ ޖަލްސާގައި ބޭއްވުމަށް ނިންމާފައިވާ ކަމަށެވެ.
އެގޮތުން މި ޖަލްސާގައި ރާއްޖޭގެ ނައިބު ރައީސް އަދި އެޕާޓީގެވެސް ނައިބު ރައީސް ހުސެއިން މުހައްމަދު ލަތީފު ބައިވެރިވެވަޑައިގެން ފާހަކަފުޅު ދައްކަވަން ހަމަޖެހިފައިވާ ކަމަށް އެޕާޓީން ބުނެއެވެ.
އޭގެ އިތުރުންވެސް އެޕާޓީގެ ޗެއާޕާސަން އަދި މަޖިލީހުގެ ރައީސް އަބްދުالله އަބްުދުއްރަހީމް އާއި އެޕާޓީގެ ޕީޖީ ލީޑަރު އިބްރާހިމް ފަލާހްވެސް މި ޖަލްސާގައި ވާހަކަފުޅު ދެއްކެވުމަށް ވަނީ ހަމަޖެހިފައި އެވެ.
ޕީއެންސީއިން ވަނީ މި ޖަލްސާގައި ޕާޓީގެ ވީހާވެސް ގިނަ ސަޕޯޓަރުން ބައިވެރިވުމަށް ދައުވަތުދީފައި އެވެ.