ވިނަރެސް ފްލެޓަށް ކުރިމަތިލެވޭނެ ކަމަށް ބުނެ ސްކޭމް މެސެޖެއް ދައުރުވަނީ, ސަމާލުވޭ!

ކޮންމެ މީހަކަށްވެސް ވިނަރެސް ފްލެޓަށް ކުރިމަތިލެވޭނެ ކަމަށްބުނެ ސްކޭމް މެސެޖެެއް ދައުރުކުރަން ފަށައިފި އެވެ.

ފުލުހުން ބުނީ, ވިނަރެސް ފްލްޓްތަކަށް ރާއްޖޭގެ ކޮންމެ ރައްޔިތަކަށްވެސް އެޕްލައި ކުރުމުގެ ފުރުސަތު ހުޅުވާލާފައިވާ ކަމަށާއި އިތުރު މައުލޫމާތު ވެބްސައިޓުން ލިބޭނެކަމަށް ބުނެ ލިންކަކާއެކު ފޮނުވަމުންދާ މެސެޖަކީ ސައްހަ މެސެޖެއް ނޫން ކަމަށެވެ.

ފުލުހުން ބުނީ މި ލިންކް މެދުވެރިކޮށް ފޭސްބުކް އަދި އިންސްޓަގްރާމް ހެކްކޮށް ފްރެންޑް ލިސްޓުގައިވާ ފަރާތްތަކުގެ އަތުން ފައިސާ ހޯދަމުންދާކަމަށް ފާހަގަކުރެވިފައިވާ ކަމަށެވެ.

އެހެންކަމުން މިފަދަ ލިންކުތަކަށް ހާއްސަ ސަމާލުކަމެއް ދިނުމަށް ފުލުހުން ވަނީ އެދިލައްވާފައެވެ.