ޔަހޫދީ އިޒްރޭލުގެ އަސްކަރީ މަރުކަޒަކަށް ހިޒްބުالله އިން ރޮކެޓް ހަމަލާތަކެއް ދީފި

ޔަހޫދީ އިޒްރޭލުގެ އަސްކަރީ މަރުކަޒަކަށް ހިޒްބުالله އިން ރޮކެޓް ހަމަލާތަކެއް ދީފި އެވެ.

ލުބުނާނުގެ އެ ޖަމާއަތުން ބުނީ އިޒްރޭލުގެ އުތުރުގައި އޮންނަ "އަލް ބަޣުދާދީ ސައިޓަށް" ހަމަލާ ދީފައި ވަނީ "އެތައް ކަޓިއުޝާ ރޮކެޓުތަކުން" ކަމަށެވެ.

އެ ޖަމާއަތުން ޓެލެގްރާމްގައި ބުނެފައި ވަނީ ހަމަލާ ދީފައި ވަނީ ޣައްޒާއަށް ތާއީދުކޮށް، ޗަކްރާ އަވަށުގައި ޔަހޫދީން ހިންގަމުންދާ "ލާއިންސާނީ އަމަލުތަކަށް" ރައްދު ދިނުމުގެ ގޮތުން ކަމަށެވެ.

ހިޒްބުالله އިން މީގެ ކުރިން ބުނެފައި ވަނީ އިސްރާއީލުން މިއަދު ލުބުނާނަށް ދިން ހަމަލާއެއްގައި އެ ޖަމާއަތުގެ ދެ މީހަކު ޝަހީދުވެފައިވާ ކަމަށެވެ.

ހިޒްބުالله އާއި ޔަހޫދީ އަސްކަރިއްޔާއާއި ދެމެދު ހަމަލާބަދަލުކުރުންތައް ގިނަވެ މަޝްރަހު އޮތީ ވަރަށް ބޮޑަށް ހޫނު ވެފައި އެވެ.