485 ކުދިންނާއެކު 7 ވަނަ ކިޑްސް އިންޓަ ސްކޫލް ސްވިމިންގ ފެސްޓިވަލް ފެށިގެން ކުރިއަށްދަނީ

ބީއެމްއެލް 7ވަނަ ކިޑްސް އިންޓަރސްކޫލު ސްވިމިންގ ފެސްޓިވަލް 2024 މިހަފްތާގެ އަންގާރަ ދުވަހު ފަށައިފިއެވެ.

ސްވިމިންގ އެސޯސިއޭޝަނުން އިންތިޒާމުކޮށްގެން ހުޅުމާލޭގައި ކުރިއަށް ގެންދާ މިއަހަރުގެ މުބާރާތުގައި 23 ސްކޫލަކުން 485 ކުދިން ވަނީ ބައިވެރިވެފައެވެ.

23 ޖުލައި 2024 އިން 27 ޖުލައި 2024 ގެ ނިޔަލަށް ކުރިއަށް ގެންދާ މިމުބާރާތް ކުރިއަށްދަނީ ތިން އުމުރުފުރައަކަށް ބަހާލައިގެންނެވެ. އެގޮތުން ބަހާލެވިފައިވާ އުމުރު ފުރާތަކަކީ އުމުުރުން 5 އަހަރާއި 6 އަހަރާއި ދެމެދުގެ އުމުރުފުރާ އަދި 7 އަހަރާއި 8 އަހަރާއި ދެމެދުގެ އުމުރުފުރާގެ އިތުރުން 9 އަހަރާއި 10 އަހަރާއި ދެމެދުގެ އުމުރުފުރައެވެ.