އުދަ އަރާނެ ކަމަށް ލަފާކޮށް ރާއްޖޭގެ ބޮޑު ސަރަހައްދަކަށް ހުދު ސަމާލު!

މޫސުން ގޯސްވެ އުދައަރާނެ ކަމަށް ލަފާކޮށް ރާއްޖޭގެ ބޮޑު ސަރަހައްދަކަށް ހުދު ސަމާލު ނެރެފި އެވެ.

މެޓް އޮފީހުން ހުދު ސަމާލު ނެރެފައިވަނީ ކ. އަތޮޅުން ފެށިގެން ރާއްޖޭގެ އެންމެ ދެކުނުން އައްޑޫ ސިޓީއާ ހަމައަށެވެ.

އެ ސަރަހައްދަށް ސަމާލު ނެރެފައިވަނީ މިއަދު މެންދުރު 1:15 އިން ފެށިގެން ހަވީރު 5:15 އާ ހަމައަށެވެ.

މި މުއްދަތުގައި މި ސަރަހައްދަށް އުދައަރާނެ ކަމަށް މެޓް އޮފީހުން ވަނީ ލަފާކޮށްފައެވެ. އަދި ރާއްޖޭގެ އެކި ސަރަހައްދަށް ކެރީގެ އަސަރު ފޯރާނެ ކަމަށްވެސް ވަނީ ލަފާކޮށްފައެވެ.