--
ސްރީލަންކާގެ ބަންޑާރަ ނައިބުގެ މަގާމަށް ސީނިއާ އެޑިޝަނަލް ސޮލިސިޓާ ޖެނެރަލް ޕަރިންދާ ރަނަސިންހަ މިއަދު އައްޔަން ކުރައްވައިފި އެވެ.
އެގައުމުގެ ރައީސުލްޖުމްހޫރިއްޔާގެ މީޑިއާ ޑިވިޜަން (ޕީއެމްޑީ) އިން ބުނި ގޮތުގައި އެ މަގާމަށް އޭނާ އައްޔަން ކުރައްވާފައިވަނީ ރިޔާސީ ސެކްރެޓޭރިއޭޓްގައި އޮތް ރަސްމިއްޔާތެއްގައި ރައީސް ރަނިލް ވިކްރަމަސިންހަ އެވެ.
ބަންޑާރަ ނައިބުގެ މަގާމަށް ޕަރިންޑާ ރަނަސިންހަ އައްޔަން ކުރެއްވީ ސްރީލަންކާގެ ގާނޫނު އަސާސީގެ 61 ވަނަ މާއްދާގެ (ށ) ގައިވާ ގޮތުގެ މަތިންނެވެ.
އޭނާ އެ މަގާމަށް އައްޔަން ކުރައްވާފައި މިވަނީ މިދިޔަ ބުރާސްފަތި ދުވަހު (ޖުލައި 11) ގައުމީ ދުސްތޫރީ މަޖިލީހުން ރުހުން ދިނުމާ ގުޅިގެންނެވެ.
މިދިޔަ ޖުލައި މަހުގެ ކުރީކޮޅު ޕަރިންދާ ރަނަސިންހަ ވަނީ އުއްތަމަ ފަނޑިޔާރުގެ ކުރިފުޅުމަތީގައި ސްރީލަންކާގެ އެކްޓިން އެޓާނީ ޖެނެރަލްކަމުގެ ހުވާ ކުރައްވާފައެވެ. އައު ބަންޑާރަ ނައިބެެއް އައްޔަނުކުރައްވާފައިމިވަނީ ކުރީގެ ބަންޑާރަ ނައިބު ސަންޖޭ ރާޖަރަތުނަމް ރިޓަޔާ ކުރެއްވުމާ ގުޅިގެންނެވެ.
ޕަރިންދާ ރަނަސިންހައަކީ ސްރީލަންކާގެ ކުރީގެ ފަނޑިޔާރެއްކަމަށްވާ ކޭއޭ ޕަރިންދާ ރަނަސިންހަގެ ދަރިކަލުންނެވެ.
ފަހުގެ
