ޕީއެންސީ ޖަގަހަ ހުޅުވުން މިރޭ

ވެރިކަން ކުރާ ޕްރޮގްރެސިވް ޕާޓީ އޮފް މޯލްޑިވްސް, ޕީއެންސީގެ މައި ޖަގަހަ މިރޭ ހުޅުވުމަށް ތައްޔާރުވެއްޖެ އެވެ.

ޕީއެންސީގެ ސިޔާސީ ހަރަކާތްތައް ފުޅާކުރުމަށްޓަކައި މާލޭގައި ހުޅުވާ ޕީއެންސީގެ މައި ޖަގަހަ ހުޅުވުމަށް ހަމަޖެހިފައިވަނީ ހ.ވެޔޮވިލާގައި އެވެ.

ޕީއެންސީ ޖަގަހަ ހުޅުވުމަސް ފުރަތަމަ ތާވަލުކުރީ ހޮނިހިރު ދުވަހުގެ ރެއަށެވެ. ނަމަވެސް މޫސުން ތަން ނުދިނުމުގެ ސަބަބުން ޖަގަހަ ހުޅުވުން ވަނީ މިރެއަށް ފަސްކޮށްފައެވެ.

ހ ވެޔޮވިލާއަކީ މީގެ ކުރިން އެމްޑީޕީއާއި ޑިމޮކްރެޓްސްއިން ބޭނުންކުރި ހަރުގެވެސް ހުރި އިމާރާތެވެ. އެ ހަރުގެ ހުންނަނީ މާލޭގެ އާޓިފިޝަލް ބީޗުގެ ކުރިމައްޗަށް ވާގޮތަށެވެ.

ޕީއެންސީއިން ބުނީ ހ.ވެޔޮވިލާގައި ހުންނަ އެ ޕާޓީގެ ޖަގަހަ ހުޅުވުމުގެ ރަސްމިއްޔާތު މިރޭ 20:30 ގައި އޮންނާނެ ކަމަށެވެ.

ޖަގަހަ ހުޅުވައިދެއްވާނީ ޕްރޮގްރެސިވް ކޮންގްރެސް ކޯލިޝަންގެ ލީޑަރު ރައީސް ޑރ.މުޙައްމަދު މުޢިއްޒުއެވެ.