--
މި ސަރުކާރުގެ ސިޔާސަތު ތަންފީޒުކުރުމަށް ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު އެކުލަވައިލައްވައިފައިވާ ވަޒީރުންގެ މަޖިލީހުގެ ތިން މެންބަރަކަށް ރުހުން ދިނުމުގެ މައްސަލަ މަޖިލީހުގެ މާދަމާގެ ޖަލްސާއަށް އެޖެންޑާކޮށްފިއެވެ.
އެމްޑީޕީގެ މެޖޯރިޓީ އޮތް 19 ވަނަ މަޖިލީހުން ރުހުން ނުދިނީ އިސްލާމިކް މިނިސްޓަރު ޑރ. މުހައްމަދު ޝަހިމް އަލީ ސައިދާއި ހައުސިން މިނިސްޓަރު އަލީ ހައިދަރުގެ އިތުރުން އެޓާނީ ޖެނެރަލް އަހުމަދު އުޝާމަށެވެ.
ނަމަވެސް އެތިން ވަޒީރުން އަލުން މަގާމަށް އައްޔަނުކުރެއްވުމާއި އެކު ރުހުން ދިނުމުގެ މައްސަލަ އަލުން މަޖިލީހުން ބަލައި ވަޒީރުންނަށް ރުހުން ދިނުމަށް 20 ވަނަ މަޖިލީހުގެ ސަރުކާރު މަސްއޫލިއްޔަތު އަދާކުރާ މިންވަރު ބަލާ ކޮމިޓީން ވަނީ ފާސްކޮށް މަޖިލީހުގެ ތަޅުމަށް ފޮނުވާފައި އެވެ.
މިއާއި އެކު ވަޒީރުންނަށް ރުހުން ދިނުމުގެ މައްސަލަ މާދަމާ އޮންނަ މަޖިލީހުގެ ޖަލްސާއަށް މިހާރު ވަނީ އެޖެންޑާކޮށްފައި އެވެ.
20 ވަނަ މަޖިލީހުގެ ސުޕާމެޖޯރިޓީ ވެރިކަން ކުރާ ކޮންގްރެސް ޕާޓީގައި އޮތުމާއި އެކު މި ތިން ވަޒީރުންނަށް މަޖިލީހުގެ ތަޅުމުން ރުހުން ލިބިގެންދާނެ ކަން މިހާރު ވަނީ ކަށަވަރުވެފައި އެވެ.
ފަހުގެ
