ސުޖާއު
ވިހި ވަނަ ރައްޔިތުންގެ މަޖިލީހުގެ ސްޓޭޓް އޯންޑް އެންޓަޕްރައިސެސް ކޮމެޓީގެ މުގައްރިރަކަށް ބާރަށު ދާއިރާގެ މެންބަރު އިބްރާހިމް ސުޖާއު ހަމަޖައްސައިފިއެވެ.
ސުޖާއު އެކޮމެޓީގެ މުގައްރިރު ކަމަށް ހަމަޖައްސާފައިވަނީ މިއަދު ބޭއްވި އެކޮމެޓީގެ ފުރަތަމަ ބައްދަލުވުމުގައި އެވެ. އެގޮތުން މިއަދުގެ ބައްދަލުވުމުގައި އޮތީ ކޮމެޓީގެ މުގައްރިރު ކަމާއި ނައިބު މުގައްރިރު ހޮވުމެވެ.
މިއަދުގެ ކޮމެޓީގައި މުގައްރިރަކަށް ސުޖާއުގެ ނަން ހުށަހެޅުއްވީ ފޭދޫ ދެކުނު ދާއިރާގެ މެމްބަރު އިބްރާހިމް ދީދީއެވެ. އަދި އިބްރާހިމްދީދީގެ އެ ހުށަހެޅުއްވުމަށް ތާއީދު ކުރައްވާފައި ވަނީ ތޮއްޑޫ ދާއިރާގެ މެމްބަރު ހުސެއިން ސަމީރުއެވެ.
މިއަދުގެ ބައްދަލުވުމުގައި ކޮމެޓީގެ ނައިބު މުގައްރިރަކަށް ހަމަޖައްސާފައިވަނީ ފުވައްމުލަކު ދެކުނު ދާއިރާގެ މެމްބަރު އިބްރާހިމް ހުސެއިން އެވެ. އިބްރާހިމް ހުސެއިންގެ ނަންވެސް ހުށަހެޅުއްވީ ފޭދޫ ދެކުނު ދާއިރާގެ މެމްބަރު އިބްރާހިމް ދީދީ އެވެ.
20 ވަނަ ރައްޔިތުންގެ މަޖިލީހުގެ ސްޓޭޓް އޯންޑް އެންޓަޕްރައިސެސް ކޮމެޓީގައި ހިމެނިވަޑައިގަންނަވީ ޖުމުލަ 11 މެމްބަރުންނެވެ. އެގޮތުން މަޖިލީހުގައި ސުޕަ މެޖޯރިޓީ އޮތް ކޮންގްރެސް ޕާޓީގެ 9 މެމްބަރުން ހިމެނިވަޑައިގަންނަވާއިރު އެމްއެންޕީގެ އެއް މެމްބަރާއި އެމްޑީޕީގެ އެއް މެމްބަރު މި ކޮމެޓީގައި ހިމެނިވަޑައިގަންނަވައެވެ.
މުގައްރިރާއި ނައިބު މުގައްރިރުގެ އިތުރުން އެ ކޮމީޓީގައި ދެން ހިމެނިވަޑައިގަންނަވާ 9 މެންބަރުން:
- މާފަންނު އުތުރު ދާއިރާގެ މެމްބަރު މުހައްމަދު ނާޒިމް
- ތޮއްޑޫ ދާއިރާގެ މެމްބަރު ހުސެއިން ސަމީރު
- ދިއްގަރު ދާއިރާގެ މެމްބަރު އަހުމަދު ނާޒިމް
- ކިނބިދޫ ދާއިރާގެ މެމްބަރު އަލީ އަޝްރަގު
- ގަމު ދާއިރާގެ މެމްބަރު ޔޫސުފް ރަޝިދު
- މާވަށު ދާއިރާގެ މެމްބަރު އަހުމަދު ޝާކިރު
- ފަރެސްމާތޮޑާ ދާއިރާގެ މެމްބަރު އަޝްރަފް ރަޝީދު
- ގައްދޫ ދާއިރާގެ މެމްބަރު މުހައްމަދު އަލީ
- ފޭދޫ ދެކުނު ދާއިރާގެ މެމްބަރު އިބްރާހިމް ދީދީ
މި ކޮމިޓީގެ މަސްއޫލިއްޔަތަކީ، ދައުލަތުން ހިންގާ، ނުވަތަ ދައުލަތުން ޙިއްޞާވާ ކުންފުނިތަކާއި ވިޔަފާރި އިދާރާތައް ހިންގަމުންދަނީ، ނުވަތަ ހިންގަނީ ހަރުދަނާ ވިޔަފާރި އުސޫލުންތޯ ބެލުމާއި، އެ އިދާރާތަކުގެ ހިންގުން އިތުރަށް ހަރުދަނާކުރުމަށް އެއިދާރާތަކުން މަސައްކަތްކޮށްފައިވޭތޯ ބެލުމާއި، އެ އިދާރާތަކުގެ މާލީ ޙާލަތު ދަނީ އަހަރުން އަހަރަށް ހަރުދަނާ ވަމުންތޯ ނުވަތަ ނިކަމެތި ވަމުންތޯ ބެލުމާއި، އަދި އެ އިދާރާތަކުގެ ޙިއްޞާގެ ފައިދާ އަހަރުން އަހަރަށް ދައްކަމުން ގޮސްފައިވާ ގޮތް ބެލުމެވެ.
އަދި ދައުލަތުން ޙިއްޞާވާ ކުންފުނިތަކުގެ ނުވަތަ ދައުލަތުން ޙިއްޞާވާ ވިޔަފާރި އިދާރާތަކުގެ ތެރެއިން އެކަށީގެންވާ ފައިދާ ނުލިބޭ ތަންތަނުން އިޞްލާޙީ ފިޔަވަޅުތައް އަޅާފައިވޭތޯ ބެލުމާއި، އަދި އަޅާފައިވާ ފިޔަވަޅުތަކުގެ ނަތީޖާ ދިރާސާކުރުންވެސް ހިމެނެއެވެ. މީގެ އިތުރުން ޕްރައިވަޓައިޒޭޝަން އެންޑް ކޯޕަރަޓައިޒޭޝަންގެ ބޯޑަށް މީހުން ޢައްޔަންކުރުމާއި ވަކިކުރުމާ ގުޅޭގޮތުން މަޖިލީހުގެ ލަފާ ހޯދުމަށް އެދި ހުށަހެޅޭ މައްސަލަތަކާ ގުޅިގެން ކުރަންޖެހޭ އެންމެހައި ކަންކަން ކުރުމާއި، އަދި ބޯޑުގެ މަސްއޫލިއްޔަތު އަދާކުރަމުން ދޭތޯ ބެލުމާއި ބޯޑުގެ މަސްއޫލިއްޔަތު އަދާކުރުމަށް އެއްވެސް ހުރަހެއް އޮތްތޯ ބެލުމާއި، ބޯޑުގެ މަސައްކަތްތައް ހިންގަނީ ޤާނޫނާ އެއްގޮތަށްތޯ ބެލުމެވެ.
ފަހުގެ
