ފުވައްމުލަކުގައި ޑައިވިންއަށް ފޭބި ފަތުރުވެރިއަކު މަރުވެއްޖެ

ފުވައްމުލަކުގައި ޑައިވިންގ އަށް ދިޔަ އުމުރުން ދުވަސްވީ ފަތުރުވެރިއަކު މަރުވެއްޖެ އެވެ.

ފުލުހުންގެ މީޑިއާ އޮފިޝަލް މިއަދު ވިދާޅުވީ ފުވައްމުލައް ޓައިގާ ޝަކް ޕޮއިންޓަށް ޑައިވިންގ އަށް ދިޔަ ފަތުރުވެރިއެއް ޑައިވިން ނިންމައި ދޯންޏަށް އެދި ފަހުން ހާލު ދެރަވެގެން ފުވައްމުލަކު ހޮސްޕިޓަލަށް ގެންގޮސްފައިވާ ކަމަށް މިއަދު 11:26 ހާއިރު ފުލުހުންނަށް ރިޕޯޓްކޮށްފައިވާ ކަމަށެވެ.

އަދި އެމީހާ ހޮސްޕިޓަލަށް ގެންދިޔައިރުވެސް ނިޔާވެފައިވާ ކަމަށް ހޮސްޕިޓަލުން ފުލުހުންނަށް މައުލޫމާތު ދީފައިވާ ކަމަށް މިޑިއާ އޮފިޝަލް ވިދާޅުވިއެވެ.

މަރުވި ފަތުރުވެރިއާއަލީ އުމުރުން 70 އަހަރުގެ ޗައިނާއަށް ނިސްބަތް ފިރިހެނެކެވެ.

ފުލުހުން ބުނީ މި ހާދިސާއާއި ގުޅިގެން ބަލަން ޖެހޭ ކަންކަން މިހާރު ފުލުހުން ގެންދަނީ ބަލަމުން ކަމަށެވެ.