logoEN
Sto top
މިނިސްޓަރ ޒަމީރު ލަންކާގެ ރައީސްއާ ބައްދަލުކުރައްވައިފި

މިނިސްޓަރ ޒަމީރު ލަންކާގެ ރައީސްއާ ބައްދަލުކުރައްވައިފި

އަހުމަދު ޝުރާއު

logo

6/5/2024, 4:51:02 PM

# ރާއްޖެ - ސްރީލަންކާ

މިނިސްޓަރ ޒަމީރު ލަންކާގެ ރައީސް އާއި ބައްދަލުކުރެއްވުން

ރާއްޖޭގެ ފޮރިން މިނިިސްޓަރ މޫސާ ޒަމީރު ލަންކާގެ ރައީސް ރަނިލް ވިކްރަމަސިންހައާއި ބައްދަލުކުރައްވައިފި އެވެ.

Wamco

މި ބައްދަލުކުރެއްވުން އޮތީ މިއަދު ލަންކާ ރައީސްގެ ރަސްމީ އޮފީހުގައި އެވެ. މިނިސްޓަރ ޒަމީރުގެ އަރިހުގައި ރާއްޖެއިން ލަންކާއަށް ކަނޑައަޅުއްވާފައި ހުންނަވާ ސަފީރުވެސް ބައިވެރިވެވަޑައިގެންނެވި އެވެ.

މި ބައްދަލުވުމާއި ގުޅޭގޮތުން ފޮރިން މިނިސްޓްރީއިން ބުނީ ދެޤައުމުގެ ގުޅުން އިތުރަށް ބަދަހިކުރެއްވުމަށް މަސައްކަތްކުރައްވާނެކަމުގެ ޔަޤީންކަން މި ބައްދަލުކުރެއްވުމުގައި މިނިސްޓަރ ލަންކާގެ ރައީސްއަށް ދެއްވި ކަމަށެވެ. އަދި ރާއްޖެއާއި ސްރީލަންކާއާ ދެޤައުމުގެ ދެމެދުގައި އޮތް ޒަމާންވީ އެކުވެރިކަމާއި ގާތް ގުޅުމަށް ޝުކުރު އަދާކުރެއްވި ކަމަށްވެސް މިނިސްޓްރީއިން ބުނެއެވެ.

View post on Twitter

ރަސްމީ ދަތުރުފުޅެއްގައި މިނިސްޓަރ ޒަމީރު ސްރީލަންކާއަށް ވަޑައިގެންނެވީ މިމަހުގެ 3 ވަނަ ދުވަހު އެވެ. އެގޮތުން އިއްޔެ މިނިސްޓަރ ވަނީ ލަންކާގައި ދިރިއުޅޭ ދިވެހިންނާއި ބައްދަލުކުރައްވާފައި އެވެ. އަދި މިއަދު ލަންކާގެ ފޮރިން މިނިސްޓަރ އަލީ ސަބްރީއާއި ބައްދަލުކުރައްވާފައިވާއިރު ދެގައުމުގެ ދެމެދުގައި ރަސްމީ މަޝްވަރާތައްވެސް ވަނީ ކުރިޔަށް ގެންގޮސްފައި އެވެ.

Maldivian
ކޮމެންޓް
Maldivian
ފަހުގެ
STELCO Inside