މަޖިލީހުގެ ނައިބު ރައީސް ނާޒިމް
މިއަދު ހުވާކުރި ވިހި ވަނަ ރައްޔިތުންގެ މަޖިލީހުގެ ނައިބު ރައީސް ކަމަށް ދިއްގަރު ދާއިރާގެ މެމްބަރު އަހުމަދު ނާޒިމް އިންތިހާބުކޮށްފި އެވެ.
މިހާރު ކުރިޔަށްދާ 20 ވަނަ މަޖިލީހުގެ ފުރަތަމަ ޖަލްސާގައި މަޖިލީހުގެ ނައިބު ރައީސް ކަމަށް ނާޒިމް އިންތިހާބުކޮށްފައިވަނީ މަޖިލީހުގެ ތަޅުމުގައި ކުރިޔަށް ދިޔަ ސިއްރު ވޯޓުންނެވެ.
އެގޮތުން މަޖިލީހުގެ ނައިބު ރައީސް ކަމަށް ނާޒިމްއާއި ވާދަކުރެއްވީ މައިނޯރިޓީ ޕާޓީ, އެމްޑީޕީގެ ފަރާތުން މަރަދޫ ދާއިރާގެ މެމްބަރު އަހުމަދުދީދީ އެވެ.
މިއަދު މެމްބަރުންގެ މެދުގައި ނެގި ސިއްރުވޯޓުގައި ނާޒިމް ލިބިވަޑައިގެންނެވީ 80 ވޯޓެވެ. އަދި އަހުމަދު ދީދީއަށް ލިބިވަޑައިގެންނެވީ 12 ވޯޓެވެ.
ވިހި ވަނަ މަޖިލީހުގައި ވެރިކަން ކުރާ ކޮންގްރެސް ޕާޓީއަށާއި ސަރުކާރަށް ތާއީދުކުރާ 79 މެމްބަރުން ތިއްބަވައެވެ. އެއީ ކޮންގްރެސް ޕާޓީގެ 75 މެމްބަރުންނާއި ސަރުކާރު ކޯލިޝަންގައި ހިމެނިވަޑައިގަންނަވާ 4 މެމްބަރުންނެވެ.
އިތުރު ތަފްސީލް އަންނަނީ ...
ފަހުގެ
