މަޖިލިސް ރައީސް އަބްދުއްރަހީމް
މިއަދު ހުވާކުރި ވިހި ވަނަ ރައްޔިތުންގެ މަޖިލީހުގެ ރައީސް ކަމަށް ފޮނަދޫ ދާއިރާގެ މެމްބަރު އަބްދުރަހީމް އަބްދުالله އިންތިހާބުކޮށްފި އެވެ.
މިހާރު ކުރިޔަށްދާ 20 ވަނަ މަޖިލީހުގެ ފުރަތަމަ ޖަލްސާގައި މަޖިލީހުގެ ރައީސް ކަމަށް އަބްދުއްރަހީމް އިންތިހާބުކޮށްފައިވަނީ މަޖިލީހުގެ ތަޅުމުގައި ކުރިޔަށް ދިޔަ ސިއްރު ވޯޓުންނެވެ.
އެގޮތުން މަޖިލީހުގެ ރައީސް ކަމަށް އަބްދުއްރަހީމްއާއި ވާދަކުރެއްވީ މައިނޯރިޓީ ޕާޓީ, އެމްޑީޕީގެ ހިތަދޫ ދެކުނު ދާއިރާގެ މެންބަރު އިބްރާހިމް ނާޒިލް އެވެ.
މިއަދު މެމްބަރުގެ މެދުގައި ނެގި ސިއްރުވޯޓުގައި އަބްދުއްރަހީމްއަށް ލިބިވަޑައިގެންނެވި 71 ވޯޓެވެ. އަދި ނާޒިލްއަށް 14 ވޯޓު ލިބިވަޑައިގެންނެވި އިރު 7 ވޯޓު ވަނީ ބާތިލުވެފައި އެވެ.
ވިހި ވަނަ މަޖިލީހުގައި ވެރިކަން ކުރާ ކޮންގްރެސް ޕާޓީއަށާއި ސަރުކާރަށް ތާއީދުކުރާ 79 މެމްބަރުން ތިއްބަވައެވެ. އެއީ ކޮންގްރެސް ޕާޓީގެ 75 މެމްބަރުންނާއި ސަރުކާރު ކޯލިޝަންގައި ހިމެނިވަޑައިގަންނަވާ 4 މެމްބަރުންނެވެ.
މަޖިލީހުގެ ރައީސް އަބްދުއްރަހީމް އަކީ މީގެ ކުރިންވެސް މަޖިލީހުގެ މެމްބަރުކަން ކުރެއްވި ބޭފުޅެކެވެ. ނަވާރަ ވަނަ މަޖިލީހުން ފުރުސަތު ލިބިވަޑައިނުނެންވެވި ނަމަވެސް ވިިހި ވަނަ މަޖިލީހަށް އަބްދުއްރަހީމް އިންތިހާބުވެފައިވަނީ ބޮޑު ތަފާތަކުންނެވެ. އަބްދުއްރަހީމް އަކީ ވެރިކަން ކުރާ ކޮންގްރެސް ޕާޓީގެ ބާނީ އަދި އެޕާޓީގެ ޗެއާޕަސަން އެވެ.
ފަހުގެ
