ހުޅަނގު އައްސޭރީގެ ޖެނިންގައި ޔަހޫދީން ބަޑިޖަހައި 7 މީހަކު ޝަހީދުކޮށްލައިފި, ސްކޫލުކުއްޖަކުވެސް ހިމެނޭ!

ހުޅަނގު އައްސޭރީގައި ޔަހޫދީ ފުލުހުން ހިންގަމުން އަންނަ ކަމަށް ބުނާ " އޮޕަރޭޝަން" ގައި ފަލަސްތީނުގެ 7 މީހަކު ޝަހީދުކޮށްލައިފި އެވެ.

ރިޕޯޓްތައް ބުނާގޮތުގައި މިއީ ޖެނިން އަވަށުގައި ޔަހޫދީ ބާރުތަކުން މިފަހަކުން ދިން ރަހުމުކުޑަ އެއް ހަމަލާއެވެ.

މި ހަމަލާގައި ޝަހީދުވި މީހުންގެ އަދަދު މިހާތަނަށް 7 އަށް އަރާފައިވާއިރު ނުވަ މީހަކަށް އަނިޔާވެ އިރު އޭގެ ތެރެއިން ދެ މީހެއްގެ ހާލު ސީރިއަސް ފަލަސްތީނުގެ ސިއްހަތާ ބެހޭ ވުޒާރާއިން ބުނެއެވެ.

ޝަހީދުވި މީހުންގެ ތެރޭގައި ސްކޫލު ކުއްޖަކާއި , ޓީޗަރެއްގެ އިތުރުން ޑޮކްޓަރަކުވެސް ހިމެނެއެވެ.

ފަލަސްތީނު ރެޑް ކްރެސެންޓް ސޮސައިޓީއާ ހަވާލާދީ ވަފާ ނިއުސް އެޖެންސީން ރިޕޯޓްކޮށްފައިވާ ގޮތުގައި އިސްރާއީލުގެ އަސްކަރިއްޔާއިން ދަނީ ޒަހަމްވި މީހުންނާއި ހަމައަށް ސިއްހީ ހިދުމަތްދޭ ފަރާތްތަކަށް ދިއުމަށް ހުރަސް އަޅަމުންނެވެ.

އިތުރު ތަފްސީލް އަންނަނީ ...