ޔަހޫދީ ސިފައިން ފަލަސްތީނުގެ އުމުރުން 15 އަހަރުގެ ކުއްޖެއްގެ ގަޔަށް ބަޑިޖަހައިފި

ޔަހޫދީ އިސްރާއީލުގެ ސިފައިން ފަލަސްތީނުގެ އުމުރުން 15 އަހަރުގެ ކުއްޖެއްގެ ގަޔަށް ބަޑިޖަހައިފިއެވެ.

ޔަހޫދީ އިސްރާއީލުން ހުޅަނގު އައްސޭރީގެ ސިޓީއެއް ކަމަށްވާ ކަލްކިލިއާގައި ހިންގި އޮޕަރޭޝަނެއްގައި ބަޑައި ޖަހާފައިވަނީ ފިރިހެން ކުއްޖެއްގެ ފަޔަށް ކަމަށް ރިޕޯޓުތައް ބުނެއެވެ.

މި ހަމަލާގައި އަނިޔާވި ކުއްޖާ ހޮސްޕިޓަލަށް ގެންގޮސް ފަރުވާދީފައިވާ އިރު, އޭނާގެ ހާލު ރަނގަޅުކަމަށްވެސް ރިޕޯޓުތައް ބުނެއެވެ.

ފަލަސްތީނުގެ ދައުލަތުގެ މީޑިއާއިން ރިޕޯޓުކޮށްފައިވާ ގޮތުގައި, މިއަދު ހެނދުނު އިސްރާއީލު ސިފައިން އެސިޓީއަށް ވަދެ ކަރުނަ ގޭހާއި ލައިވް ބުލެޓް ޖަޙާފައިވާއިރު, އުމުރުން 20 އަހަރުގެ މީހަކުވެސް ވަނީ ހައްޔަރުކޮށްފައެވެ.