ޔަހޫދީންގެ ހަމަލާތަކުގައި ޝަހީދުވި މީހުންގެ އަދަދު 34,800 އިން މައްޗަށް

ޔަހޫދީ އިސްރާއީލުން ފަލަސްތީނުގެ ޣައްޒާއަށް ދެމުންގެންދާ ހަމަލާތަކުގައު ޝަހީދުވި މީހުންގެ އަދަދު 34,800 އިން މައްޗަށް އަރައިފިއެެވެ.

ޣައްޒާގައި ހުންނަ ފަލަސްތީނުގެ ސިއްހަތާބެހޭ ވުޒާރާއިން ބުނެފައިވާ ގޮތުގައި, މިދިޔަ އޮކްޓޯބަރ މަހުގެ ހަތްވަނަ ދުވަހުން ފެށިެގން ޔަހޫދީން ދެމުންގެންދާ ހަމަލާތަކުގައި މިހާތަނަށް 34,844 މީހަކު ވަނީ ޝަހީދުވެފައެވެ.

އޭގެ ތެރޭގައި ވޭތުވެދިޔަ 24 ގަޑިއިރު ތެރޭގައި ޔަހޫދީންގެ ހަމަލާތަކުގައި ޝަހީދުވި 55 މީހުން ހިމެނޭ ކަމަށްވެސް އެވުޒާރާއިން ބުނެފައިވެއެެވެ.

އަދި ހަމަލާތަކުގައި މިހާތަނަށް 78,404 މީހުން ޒަޚަމްވެފައިވާ ކަމަށްވެސް ރިޕޯޓުތައް ބުނެއެެވެ. އަދި ވޭތުވެދިޔަ 24 ގަޑިއިރު ތެރޭގައި 200 އަށްވުރެ ގިނަ މީހުން ޒަޚަމްވެފައިވާ ކަމަށްވެސް ރިޕޯޓުތައް ބުނެއެެވެ.