މިނިސްޓަރ ޝިޔާމް
ރައީސް ޑރ މުހައްމަދު މުއިއްޒު ވެރިކަމާއި ހަވާލުވެވަޑައިގެންނެވި ފަހުން މިހާތަނަށް މަސްވެރިންނަށް 800 މިލިއަނަށްވުރެ ގިނަ ރުފިޔާ ދޫކޮށްފައިވާ ކަން ފިޝަރީޒް މިނިސްޓަރ އަހުމަދު ޝިޔާމް ވިދާޅުވެއްޖެ އެވެ.
ސަރުކާރުން ކުރިޔަށް ގެންދާ އަހާ" ފޯރަމްގައި އާންމު ފަރާތަކުން ކުރި ސުވާލަކަށް ޖަވާބުދެއްވަމުން މިނިސްޓަރު ޝިޔާމް ވިދާޅުވީ ރައީސް ޑރ. މުހައްމަދު މުއިއްޒު ވެރިކަމާ ހަވާލުވެވަޑައިގެންނެވި ފަހުން މިހާތަނަށް 850 މިލިއަން ރުފިޔާ މަސްވެރިންނަށް ދޫކޮށްފައިވާ ކަމަށެވެ.
އަދި މަސްވެރިންނަށް ދުވަހުން ދުވަހުން ފައިސާ ނުދެވުމުގެ ސަބަބުން ބޮޑެތި އަދަދުތަކުން މަސްވެރިންނަށް ދޭން ޖެހޭ ފައިސާ ހުންނާނެކަން ފާހަގަކުރައްވައި މިނިސްޓަރ ވިދާޅުވީ މިވަގުތާއި ހަމައަށް މަސްވެރިންނަށް ނުދެވި ހުރީ 27 މިލިއަން ރުފިޔާ ކަމަށެވެ.
" އަބަދުވެސް މަސްވެރިން މަސް ބާނާ، އެ ދުވަހުން އެ ދުވަހަށް އެ ފައިސާ ނުދެވޭ ކަމަށްވާނަމަ، ރަނގަޅަށް މަސް ބާނާ ކަމަށްވާނަމަ ބޮޑެތި އަދަދުތަކުން ހުންނާނެ. މިވަގުތު އަޅުގަނޑު ވާހަކަ ދައްކާއިރު 27 މިލިއަން ރުފިޔާ މަސްވެރިންނަށް ނުދެވި" މިނިސްޓަރ ވިދާޅުވިއެވެ.
މިއީ ސަރުކާރުން މަސްވެރިންނަށް ނުދެވޭނެ އަދަދެއް ނޫން ކަން ފާހަގަކުރައްވައި މިނިސްޓަރ ވިދާޅުވީ މަސްވެރިންނަށް ނުދެވި ހުރި ފައިސާ މިފްކޯ އިން ވީ އެންމެ އަވަހަކަށް ދައްކާނެ ކަމަށެވެ.
ރައީސް މުއިއްޒު ވެރިކަމާއި ހަވާލުވެވަޑައިގެންނެވި އިރު ގިނަ އަދަދެއްގެ ފައިސާ މަސްވެރިންނަށް ނުދީ ހުއްޓެވެ. ވެރިކަމަށް ވަޑައިގެން ރައީސް އެންމެ ބޮޑު އަހައްމިއްޔަތު ކަމެއް ބެހެއްޓެވީ މަސްވެރިންނަށް ދޭން ޖެހޭ ފައިސާތައް ދީ ހަލާސްކުރުމަށެވެ.
ފަހުގެ
