ރައީސް ޔާމީން ޕީއެންއެފް އަށް ސޮއިކުރުން
ކުރިގެ ރައީސް އަބްދުالله ޔާމީން އަބްދުލްގައްޔޫމް އިސްވެ ހުންނަވައި އުފައްދަވާ ޕީޕަލްސް ނެޝަނަލް ފްރަންޓް, ޕީއެންއެފް އުފެއްދުމަށް ބާއްވާ ޖަލްސާ ވަކި މުއްދަތެއް ނެތް ގޮތަށް ފަސްކުރަން ނިންމައިފި އެވެ.
ޕީއެންއެފް އުފައްދާ ޖަލްސާ އެންމެ ފުރަތަމަ ބޭއްވުމަށް ތާވަލުކުރީ މާދަމާ ރެއެވެ. ނަމަވެސް ޖަލްސާ ފަސްކުރަން ނިންމާފައިވާކަން ހާމަކުރީ އެޕާޓީ އުފެއްދެވުމުގައި އިސްކޮށް ހަރަކާތްތެރިވާ މަލީހު ޖަމާލް އެވެ.
އެގޮތުން މަލީހު މިރޭ އެކްސްގައި ކުރި ޕޯސްޓެއްގައި ބުނީ ރައީސް އަބްދުﷲ ޔާމީން އުފައްދަވާ ޕާޓީ ޕިއެންއެފް އުފެއްދެވުމަށް ބާއްވަން ޖެހޭ ޖަލްސާ ބޭއްވުމަށް އިދާރާތަކުން ލިބެން ޖެހޭ އެހީތެރިކަން ލިބިގެން ގޮސްފައި ނުވާކަމަށެވެ.
މަލީހް މިފަދައިން ވިދާޅުވިއިރު ޖަލު ހުކުމެއް ތަންފީޒުކުރައްވަމުން ގެންދަވާ ރައީސް ޔާމީން މި ޖަލްސާގައި ބައިވެރިވަޑައިގަތުމުގެ ހުއްދައަކަށް ވަނީ އެދިފައި އެވެ. ރަށު ބަންދުގައި މިވަގުތު ހުންނެވި ރައީސް ޔާމީންއަށް އެޖަލްސާގައި ބައިވެރިނުވެވޭނެކަން ކަރެކްޝަންސް އިން ވަނީ ހާމަކޮށްފައި އެވެ.
ސިޔާސީ ޕާޓީއެއް އުފެއްދުމަށް ބޭނުންވާ 3،000 މެންބަރުންގެ ފޯމު ހަމަވުމާ އެކު އިލެކްޝަންސް ކޮމިޝަނުން ޕާޓީ އުފެއްދުމުގެ ޖަލްސާއަށް ހުއްދަ ދިނީ، މިދިޔަ ބުރާސްފަތި ދުވަހުއެވެ. ރައީސް ޔާމީން އަދިވެސް ހުންނެވީ ޖަލު ހުކުމެއްގައި ކަމުން، އެ ޕާޓީގެ މުއައްސިސެއްގެ ގޮތުގައި ހަމަޖެއްސެވީ އެ މަނިކުފާނުގެ ދޮށީ ދަރިކަލުން ޒޭން އަބްދުﷲ ޔާމީނެވެ.
ފަހުގެ
