ފިރިހެނަކު އޭނާގެ އަނބިމީހާ މަރާލައި, ހަށިގަނޑު ކުދިކޮށް ކޮށާލައި ކޯރަަކަށް އުކާލައިފި

އިނގިރޭސިވިލާތުގައި ފިރިހެނަކު އޭނާގެ އަނބިމީހާ މަރާލުމަށްފަހު, ހަށިގަނޑު ކުދިކޮށް ކޮށާލައި ކޯރަކަށް އުކާލައިފިއެވެ.

އިނގިރޭސިވިލާތުގެ އުމުރުން 28 އަހަރުގެ މި ފިރިހެން މީހާ އޭނާގެ އަނބިމީހާ މަރާލާފައިވަނީ ތަކުރާރުކޮށް ގައިގެ އެތަން މިތަނަށް ވަޅި ހެރުމަށްފަހުއެވެ. އަދި އަނބިމީހާ މަރާލުމަށްފަހު އޭނާ ވަނީ ހަށިގަނޑު 224 ބުރިއަށް ކުދިކޮށް ކޮށާލައި ކޮތަޅަކަށް ލުމަށްފަހު ކޯރަކަށް އުކާލައިފައެެވެ.

އަނބިމީހާ މަރާލި ކަމަށް އޭނާ އިއުތިރާފުވި ނަމަވެސް އެއީ ކޮން ސަބަބަކާހުރެ ކަމެއް އޭނާ ބުނެފައިނުވެއެވެ. މިމައްސަލައިގައި އޭނާގެ މައްޗަށް ހުކުމް ކުރުމަށް އަންނަ ހޯމަދުވަހު ވަނީ ތާވަލުކޮށްފައެވެ.

އަދި މިމައްސަަލައިގައި ހަށިގަނޑު ނައްތާލުމަށް އޭނާއާއެކު އުމުރުން 28 އަހަރުގެ އެހެން މީހަކުވެސް ބައިވެރިވެފައިވާ ކަމަށާއި, އެމީހާވެސް ވަނީ ކުށަށް އިއުތިރާފުވެފައި ކަމަށް ރިޕޯޓުތައް ބުނެއެވެ.

މިމައްސަލައިގައި އަނބިމީހާ މަރާލި ކަމުގެ ކުށް ސާބިތުވެފައިވާ ނިކޮލަސް މެޓްސަން އަކީ މީގެ ކުރިންވެސް އޭނާ ލޯބީގެ ގޮތުން ގުޅިގެން އުޅުނު އަންހެނުންނަށްވެސް އަނިޔާކުރިކަމުގެ ކުށް ސާބިތުވެފައިވާ މީހެކެވެ.