ޔަހޫދީ ސިފައިން ފަލަސްތީނުގެ ކުޑަކުއްޖެއްގެ ގަޔަށް ބަޑިޖަހައި ޒަހަމްކޮށްލައިފި

ޔަހޫދީ އިޒްރޭލުގެ ސިފައިން ފަލަސްތީނުގެ ކުޑަކުއްޖެއްގެ ބަޔަކަށް ބަޑި ޖަހައި ޒަހަމްކޮށްލާފައިވާ ކަމަށް ރިޕޯޓުތައް ބުނެފި އެވެ.

ފަލަސްޠީނުގެ ނިއުސް އެޖެންސީ ވަފާއިން ދާދި ދެންމެ އަކު ރިޕޯޓްކުރި ގޮތުގައި ހިފާފައިވާ ހުޅަނގު އައްސޭރީގެ ޖެނިން ސިޓީގެ ދެކުނުން އޮންނަ ޔަބާދު އަވަށުގައި އިސްރާއިލްގެ ސިފައިން ކުރިޔަށް ގެންދިޔަ ކަމަށްބުނާ އޮޕަރޭޝަނެއްގައި އުމުރުން 15 އަހަރުގެ ކުއްޖަކަށް ވަނީ ބަޑިން ހަމަލާދީ ޒަހަމްކޮށްފައި އެވެ.

އެ ކުއްޖާއަށް ޒަހަމްވުމާއި އެކު ފަރުވާ ދިނުމަށް އެ މި އޮޕަރޭޝަން ހިންގި ކަމަށްބުނާ އަވަށުގެ މެޑިކަލް ސެންޓަރަކަށް އެކުއްޖާ ވަނީ ބަދަލުކޮށްފައިކަންވެސް ވަފާއިން ވަނީ ރިޕޯޓްކޮށްފައި އެވެ. ނަމަވެސް އެކުއްޖާގެ ހާލަތާއި ގުޅޭ މާބޮޑު ތަފްީސީލެއް އަދި ހާމަކޮށްފައެއް ނުވެއެވެ.

ވަފާއަށް މައުލޫމާތު ދިން ފަރާތްތަކުން ބުނީ އިސްރާއީލު ސިފައިން ޔަބާދު އަވަށަށް ވަދެ، އެ އަވަށުގެ ރައްޔިތުންނާ ދެމެދު ކުރިމަތިލުންތަކެއް ހިނގާފައިވާ ކަމަށެވެ.

އިތުރު ތަފްސީލް އަންނަނީ ...