މިއަދު އެކަނިވެސް ހުޅަނގު އައްސޭރީގައި ފަލަސްތީނުގެ 45 މީހަކު ހައްޔަރުކޮށްފި, 3 އަންހެނުންވެސް ހިމެނޭ!

ޔަހޫދީ އިޒްރޭލުގެ ފުލުހުން ހުޅަނގު އައްސޭރީގައި ހިންގާކަމަށްބުނާ " ރެއިޑްް " ތަކުގައި މިއަދު އެކަނިވެސް 45 މީހުން ހައްޔަރުކޮށްފައިވާ ކަމަށް ރިޕޯޓުތައް ބުނެފި އެވެ.

ފަލަސްތީނުގެ ކޮމިޝަން ފޯ ޑިޓެއިނިންސް އެފެއާޒް އިން ބުނި ގޮތުގައި ޔަހޫދީން މިއަދު ހައްޔަރުކުރި މީހުންގެ ތެރޭގައި ތިން އަންހެނުންނާއި ކުރިންވެސް ޔަހޫދީ ފުލުހުން އެކި ތުހުމަތު ތަކުގައި ހައްޔަރުކުރި މީހުން ހިމެނެއެވެ.

އެ ކޮމިޝަނުން މިއަދު ނެރުނު ބަޔާނެއްގައި ބުނީ، އެންމެ ގިނަ ބަޔަކު މިއަދު ހައްޔަރުކޮށްފައިވަނީ ހިފާފައިވާ އިރުމަތީ ގުދުސްގައި "ނަމާދުކުރާ މީހުން އަލް އަޤްޞާ މިސްކިތުން ނުކުތުމުން" ކަމަށާއި، އިތުރު މީހުން ހައްޔަރުކޮށްފައިވަނީ ހެބްރޮން، ޖެނިން، ނަބްލޫސް، ޓުއަރިޒަމް ރާމަالله، ޖެރީކޯ އަދި ތުލްކަރޭމްގައި ކަމަށެވެ.

"އޮކްޓޯބަރު މަހުގެ 7 ވަނަ ދުވަހުން ފެށިގެން މިހާތަނަށް ފަލަސްތީނުގެ 8،080 އަށް ވުރެ ގިނަ މީހުން ވަނީ ޔަހޫދީ ފުލުހުން ބަންދުކޮށްފައި،" އެ ކޮމިޝަނުން ބުންޏެވެ.

ޔަހޫދީން އަންނަނީ ހުއްޓުމެއްނެތި ފަލަސްތީނުގެ ރައްޔިތުންނާއި މެދު ލާއިންސާނީ އެތައް އަމަލުތަކެެއް ހިންގަމުންނެވެ. 7 އޮކްޓޯބަރުން ފެށިގެން މިހާތަނަށް ޔަހޫދީން ޣައްޒާއާއި ހުޅަނގުއައްސޭރީގައި ދިން ހަމަލާތަކުގައި ޖުމުލަ 36,000 އަށްވުރެ ގިނަ މީހުން ޝަހީދުވެފައިވާއިރު އޭގެ ތެރޭގައި ގިނައީ ކުޑަކުދިންނާއި އަންހެނުންނެވެ.