ފުވައްމުލަކުގައި ނުރައްކާތެރި އެކްސިޑެންޓެއް ހިނގައި, އެކަކު ސީރިއަސް ހާލަތުގައި

ފުވައްމުލައް ސިޓީގައި ނުރައްކާތެރި އެކްސިޑެންޓެއް ހިނގައި އެކަކަށް ސީރިއަށް އަނިޔާތަކެއް ލިބިއްޖެ އެވެ.

ފުލުހުން ވިދާޅުވީ، ފުވައްމުލަކުގައި އެކްސިޑެންޓެއް ހިނގާފައިވާ ކަމުގެ ރިޕޯޓް ރޭ 23:45 ހާއިރު ފުލުހުންނަށް ލިބިފައިވާ ކަމަށެވެ.މިއީ ސައިކަލެއް ކޮންޓްރޯލް ނުވެ، ކަފިހި ހުރަސް ޕޯސްޓް ދަނޑިއެއްގައި ޖެހިގެން ހިނގި އެކްސިޑެންޓެއް ކަމަށް ފުލުހުން ވިދާޅުވި އެވެ.

މި އެކްސިޑެންޓުގައި ސައިކަލް ދުއްވަން އިން މީހާއަށް ވަރަށް ބޮޑަށް ވަނީ އަނިޔާވެފައެވެ. ފަރުވާއަށް ފުވައްމުލަކު ހޮސްޕިޓަލަށް ގެންދިޔުމަށްފަހު ރޭ ފަތިހު ވަގުތެއްގައި އޭނާ ވަނީ އިތުރު ފަރުވާއަށް މާލެ ގެނެސްފައެވެ.

މި އެކސްިޑެންޓުގައި އަނިޔާވެފައިވަނީ އުމުރުން 32 އަހަރުގެ ދިވެހި ފިރިހެނަކަށެވެ.