އުމްރާއަށް ދިޔަ ދިވެއްސަކު ގެއްލިގެން ހޯދަނީ

އުމްރާއަށް ދިޔަ ދިވެހި ފިރިހެނަކު ގެއްލިގެން ހޯދަން ފަށައިފި އެވެ.

ގެއްލިގެން ހޯދަނީ ނިމްސާ އަލް ހައްޖު ވަލް އުމްރާ ގުރޫޕާއެކު މައްކާ އަށް ދިޔަ ސ.މީދޫ, ހަވާ, މުޙައްމަދު ތައްކާނު އެވެ.

ނިމްސާ އަލް ހައްޖު ވަލް އުމްރާ ގްރޫޮޕުން މިރޭ ފޭސްބުކުގައި ކުރި ޕޯސްޓެއްގައި ބުނެފައިވަނީ އެ ޖަމާޢާތުގެ ހަވާލުގައި ރަމަޟާން މަހުގެ ފަހު 15 ގައި ޢުމްރާގެ އަޅުކަން އަދާކުރުމަށް މައްކާއަށް ދުރުވި މުޙައްމަދު ތައްކާނު ސައުދީ ގަޑިން މިއަދު ފަތިހު 03:00 ޖެހިއިރު އެ ޖަމާޢާތުގެ ޢުމްރާވެރިންނާއެކު ޢުމްރާގެ އަޅުކަން އަދާކުރަން ޙަރަމްފުޅަށް ދިޔުމަށްފަހު ހޯދާ ނުފެނިފައިވާ ކަމަށެވެ.

ވީމާ މި ޢުމްރާވެރިޔާ ހޯދުމުގައި މައްކާއަށް އައިސްފައިވާ ދިވެހި ހުރިހާ ޢުމްރާ ޖަމާޢަތްތަކުގެ އެހީތެރިކަމަށް އެ ގްރޫޕުން ވަނީ އެދިފައި އެވެ.

އެ ޢުމްރާވެރިޔާ ފެނިއްޖެނަމަ ލަސްނުކުރައްވައި 966546279315+ / 966500953603+ އަށް އަންގަވައިދެއްވުމަސްވެސް ވަނީ އެދިފައި އެވެ.