ދިވެހި ދެ އުމްރާވެރިޔަކު ނިޔާވެއްޖެ

އުމްރާގެ އަޅުކަން އަދާކުރަން ދިޔަ ދެ ދިވެއްސަކު ނިޔާވެއްޖެ އެވެ.

އިސްލާމީ ކަންތައްތަކާއި ބެހޭ ވުޒާރާއިން މިއަދު ބުނީ އުމްރާގެ އަޅުކަމަށް ގޮސް އުޅުނު ދެ ދިވެހި އުމްރާވެރިއަކޔ ނިޔާވެފައިވާ ކަމަށާއި އެ ދެބޭފުޅުންގެ ޖަނާޒާގެ ކަންތައްތައްވެސް ފުރިހަމަ ކުރެވިފައިވާ ކަމަށެވެ.

އެގޮތުން ނިޔާވެފައިވަނީ ސަފާ ގްރޫޕާއި ހިޖާޒް ގްރޫޕަށް ނިސްބަތްވާ 2 ދިވެހި ފިރިހެނުންނެވެ.

ނަމަވެސް އެމީހުންގެ ވަނަވަރެއް އަދި މިހާތަނަށް ހާމަކޮށްފައިނުވެއެވެ.

މިއަހަރުގެ ސްކޫލު ޗުއްޓީއާއިއެކު ދިމާކޮށް ގިނަ އަދަދެއްގެ ދިވެހީން ވަނީ އުމްރާގެ އަޅުކަމަށް ގޮސްފައި އެވެ. އެގޮތުން ވުޒާރާއިން މައުލޫމާތު ދޭގޮގައި ޗުއްޓީގައި 7 ހާހަށް ވުރެ ގިނަ ދިވެހިން ޢުމްރާއަށް ގޮސްފައިވާކަމަށާއި ޖުމުލަކޮށް އެންމެންގެ ޙާލު ވެސް ރަނގަޅުކަމަށެވެ.