މާލެ ސިޓީގެ ޑެޕިއުޓީ މޭޔަރު ނަރީޝަށް މާމެންދޫއިން ބަޔަކު ހަމަލާދީފި

މާލެ ސިޓީ ކައުންސިލްގެ ޑެޕިއުޓީ މޭޔަރު އަހުމަދު ނަރީޝަށް ގއ މާމެންދޫއިން ބަޔަކު ހަމަލާދީފިއެވެ.

މައުލޫމާތު ލިބިފައިވާ ގޮތުގައި ނަރީޝް އަށް ހަމަލާދީފައިވަނީ މަޖިލިސް އިންތިޚާބުގައި ކޮލަމާފުށި ދާއިރާއަށް ވާދަކުރައްވާ ޕީއެންސީގެ ކެންޑިޑޭޓްއަށް ތާއީދު ހޯއްދެވުމަށް މާމެންދޫއަށް ވަޑައިގެން އުޅުއްވަނިކޮށެވެ.

"ގާފު" އަށް މައުލޫމާތު ދެމުން ފުލުހުންގެ މީޑިއާ އޮފިޝަލް ވިދާޅުވީ, މާމެންދޫގައި މާލެ ސިޓީ ޑެޕިއުޓީ މޭޔަރު އަހުމަދު ނަރީޝް އަށް ހަަމަލާ ދިން މައްސަލައެއް މިއަދު ހަވީރު 17:00 އެހާކަންހާއިރު ފުލުހުންނަށް ހުށަހަޅާފައިވާ ކަމަށެވެ.

މިމައްސަލައާއި ގުޅިގެން މިހާތަނަށް މީހަކު ހައްޔަރުކޮށްފައި ނުވާ ކަމަށާއި, މިމައްސަލަ ފުލުހުން ތަހުގީގު ކުރަމުންދާ ކަމަށް މީޑިއާ އޮފިޝަލް ވިދާޅުވިއެވެ.

އިތުރު ތަފްސީލު އަންނަނީ...