ގާފު ރެސިޕީ: : ސްޓްރޯބެރީ އައިސްކްރީމް ޗީޒް ކޭކު

ގާފު ރެސިޕީ އަކީ ކޮންމެ އަހަރެއްގެ ރަމަޟާން މަހާއި ދިމާކޮށް ގާފު ނޫހުގެ ކިޔުންތެރިންނާއި ހަމައަށް މި ނޫހުގެ ފަރާތުން ގެނެސްދޭ ރެސިޕީއަށް ޚާއްސަ ސެގްމެންޓެކެވެ.

މި ސެެގްމެންޓުގެ ތެރެއިން ރަމަޟާން މަހުގެ ކޮންމެ ދުވަހަކުވެސް ތަފާތު އަދި ރާއްޖެއިން ލިބޭ ތަކެތި ބޭނުންކޮށްގެން ތައްޔާރުކޮށްލެވޭނެ ރެސިޕީއެއް ގެނެސްދެވޭނެ އެވެ. ކޮންމެ ދުވަހަކުވެސް ގެނެސްދޭ ރެސިޕީ ނޫހުގައި ޝާއިރުކުރާނީ މެންދުރުގެ ވަގުތުގައި އެވެ.

މިއަދުގެ ރެސިޕީއަކީ ސްޓްރޯބެރީ އައިސްކްރީމް ޗީޒް ކޭކު އެވެ.

ބޭނުންވާނެ ތަކެތި:

1. 250ގ ކްރީމް ޗީޒް
2. 1 ސްކޫޕް ސްޓްރޯބެރީ އައިސްކްރީމް
3. 1 ޖޯޑު ގްރާމް ކްރެކާޒް ހިމުންކޮށްފައި (ބޭނުންނަމަ މާރީ ބިސްކޯދު ވެސް ބޭނުންކޮށްލެވިދާނެ)
4. 1 ޖޯޑު ސްޓްރޯބެރީ ކުދިކޮށް ކޮށާފައި

ތައްޔާރުކުރާނެ ގޮތް:

ބޯތައްޓެއްގައި ކްރީމް ޗީޒްކޮޅު މިކްސަރަކުން ރަނގަޅަށް އޮމާންވަންދެން ބްލެންޑްކޮށްލާށެވެ. ދެން އައިސްކްރީމް އަޅައި ރަނގަޅަށް އެއްކޮށްލާށެވެ. އެއަށްފަހު ހިމުންކޮށްފައި ހުރި ގްރަހަމް ކްރެކާޒް އަދި ސްޓްރޯބެރީ އަޅައި މިކްސްކޮށްލާށެވެ.

ދެން ޓްރޭއެއްގައި މިބައި ފަތުރާލުމަށްފަހު އައިސް އަލަމާރީގައި ބަހައްޓާށެވެ.

ހަ ގަޑިއިރުފަހުން ޓްރޭ އައިސް އަލަމާރިން ނަގާލާށެވެ. މީރުކޮށްލަން ގްރަހަމް ކްރެކާޒް ކޮޅެއް ކޭކް މައްޗަށް ބުރުވާލާށެވެ.

މިއީވެސް ޗީޒްކޭކަށް ލޯބިކުރާ ފަރާތްތަކަށް ކަމުދާނެ ރެސިޕީއަކަށް ވާނެ ކަމަށް އުންމީދުކުރަމެވެ.