ސިނަމާލެ ބްރިޖް --
ސިނަމާލެ ބްރިޖްގެ މެއިންޓެނެންސް މަސައްކަތް އެ ބްުރިޖުގެ މަސައްކަތް ކުރި ޗައިނާގެ ސީސީސީސީ ސެކަންޑް ހާބަރ އިންޖިނިއަރިން ކޮމްޕެނީއާ ހަވާލިުކޮށްފި އެވެ.
މިކަމުގެ އެއްބަސްވުމުގައި ރާއްޖޭގެ ފަރާތުން ސޮއިކުރެއްވީ އިމާރާތްކުރުމާއި ބިނާރާ ބެހޭ ވަޒީރު ޑރ.ޢަބްދުﷲ މުއްޠަލިބެވެ. އަދި ޗައިނާގެ ފަރާތުން ސޮއިކުރެއްވީ އެޤައުމުން ރާއްޖެއަށް ކަނޑައަޅުއްވާފައި ހުންނަވާ ސަފީރު ވަންގ ލިޒިންއެވެ.
މި ގާއިމްކުރެވުނު އެއްބަސްވުމުގެ ދަށުން ބްރިޖުގެ މެއިންޓެނެންސް މަސައްކަތަށް ދިވެހިންގެ ޓީމެއް ތަމްރީން ކުރުމަށްވެސް ވަނީ ނިންމާފައެވެ. ސީސީސީސީ ކުންފުންޏާ ހަވާލުކޮށްފައިވަނީ 3 އަހަރު ދުވަހުގެ މުއްދަތަށް ބްރިޖްގެ މަރާމާތާއި ބެލެހެއްޓުމާއި ގުޅޭ މަސައްކަތްތަކެވެ. އެގޮތުން މިހާރުން މިހާރަށް ކުރިއަށް ގެންދަންޖެހޭ ބްރިޖް މަރާމާތާއި ގުޅޭ ފަންނީ މަސައްކަތްތަކާއި މެއިންޓަނަންސް އަދި ބްރިޖްގެ ޙާލަތާ ގުޅޭ ރެކޯޑްތައް ބެލެހެއްޓުމުގެ މަސައްކަތް ކުރިއަށްގެންދާނެ އެވެ.
އިމާރާތްކުރުމާއި ބިނާރާ ބެހޭ ވަޒީރު ޑރ.ޢަބްދުﷲ މުއްޠަލިބު ވިދާޅުވީ ބްރިޖް ހުޅުވާ، ފުރަތަމަ 2 އަހަރު މެއިންޓަނަންސް މަސައްކަތް ކުރިއަށްގެންދިޔަކަމަށާއި، ނަމަވެސް ނިމުނު 3 އަހަރު ބްރިޖްގެ މެއިންޓަނަންސް އެއްވެސް މަސައްކަތެއް ކޮށްފައިނުވާ ކަމަށެވެ.
ސޮއިކުރެވުނު މިއެއްބަސްވުމުގެ ދަށުން ކުރިއަށް ގެންދާ މިމަޝްރޫޢަށް 3.6 މިލިއަން ޑޮލަރު ޚަރުދުވާއިރު މިއީ ޗައިނާ ސަރުކާރުން ރާއްޖެއަށް ފޯރުކޮށްދޭ ހިލޭ އެހީއެކެވެ.
މިއެއްބަސްވުމުގެ ދަށުން އިނިޝިއަލް ރިޕެއަރތައް ކުރުން (މިހާރު ދިމާވެފައި ހުރި މަރާމާތުތައް ދެނެގަނެ ހައްލުކުރުން)، ޕްރިވެންޓިވް މެއިންޓެނަންސް، ބްރިޖް މެއިންޓެނަންސް މަސައްކަތްތަކުގެ ރިކޯޑްސް ބަލަހައްޓާނެ ނިޒާމެއް ހެދުން، ބްރިޖްގެ މެއިންޓެނަ ންސް މައްސަލަތައް ދެނެގަތުމާއި ގުޅޭ އެސެސްމެންޓްތައް ހެދުން، ރޫޓިންގ މެއިންޓެނަންސް މަސައްކަތްތައް ކުރުން ހިމެނެއެވެ. މީގެ ތެރޭގައި ބްރިޖްގެ އެކިއެކި ކޮމްޕޯނަންޓްތަކަށް ބޭނުންވާ މަރާމާތުތައް ދެނެގަނެ މެއިންޓެނަންސް މަސައްކަތްތައް ކުރުމަށްޓަކައި ރޫޓިންކޮށް ކުރެވޭ ޕީރިއަޑިކް މެއިންޓެނަންސް މަސައްކަތްތައް މެއިންޓެނަންސް މަސައްކަތްތައް ކުރުމަށް ދިވެހި ޓެކްނިޝަނުންގެ ޤާބިލްކަން އުފެއްދުމަށްވެސް ވަނީ އެއްބަސްވެފައެވެ.
މިއެއްބަސްވުމުގެ މުއްދަތު ނިމުމުން ބްރިޖް މެއިންޓެނަންސް މަސައްކަތްތަކާއި ހަވާލު ވެވޭނެ ފެންވަރަށް ދިވެހިން ބިނާކޮށް މިޓީމުގެ ބެލުމުގެ ދަށުން މެއިންޓެނަންސް މަސައްކަތްތައް ހިންގޭނެ ކަމަށް އިމާރާތްކުރުމާއި ބިނާރާ ބެހޭ ވުޒާރާއިން ބުނެއެވެ. މިޓީމަށް ބޭނުންވާ ހުނަރާއި ތަމްރީނުތައް ހިންގޭނީ ސިނަމާލެ ބްރިޖް މެއިންޓެނަންސް މަސައްކަތްތައް ކުރުމުގެ ތެރޭގަ އެވެ. މެއިންޓެނަ ންސް މަސައްކަތްތަކަށް ދިވެހިން ތަމްރީނު ކުރެވޭނީ ބްރިޖް އިންޖިނިއަރިންގ، ރޯޑް އިންޖިނިއަރިންގ، އިލެކްޓްރޯ މެކޭނިކަލް، ޓްރެފިކް ސޭފްޓ،ީ ފެސިލިޓީ ލޭންޑްސްކޭޕިންގ އަދި ބްރިޖް ންސް މެއިންޓެނަންސްގެ ދާއިރާތަކުންނެވެ.
ފަހުގެ
