ގާފު ރެސިޕީ: ލުނބޯ ޕައި

ގާފު ރެސިޕީ އަކީ ކޮންމެ އަހަރެއްގެ ރަމަޟާން މަހާއި ދިމާކޮށް ގާފު ނޫހުގެ ކިޔުންތެރިންނާއި ހަމައަށް މި ނޫހުގެ ފަރާތުން ގެނެސްދޭ ރެސިޕީއަށް ޚާއްސަ ސެގްމެންޓެކެވެ.

މި ސެެގްމެންޓުގެ ތެރެއިން ރަމަޟާން މަހުގެ ކޮންމެ ދުވަހަކުވެސް ތަފާތު އަދި ރާއްޖެއިން ލިބޭ ތަކެތި ބޭނުންކޮށްގެން ތައްޔާރުކޮށްލެވޭނެ ރެސިޕީއެއް ގެނެސްދެވޭނެ އެވެ. ކޮންމެ ދުވަހަކުވެސް ގެނެސްދޭ ރެސިޕީ ނޫހުގައި ޝާއިރުކުރާނީ މެންދުރުގެ ވަގުތުގައި އެވެ.

މިއަދުގެ ރެސިޕީއަކީ ލުނބޯ ޕައި އެވެ.

ލުނބޯ ޕައި ތައްޔާރުކުރުމަށް ބޭނުންވާނެ ތަކެތި:

1. 1 ދަޅު ގެރިކިރު
2. 3 ބިހުގެ ގޮބޮޅި
3. 2 މޭޒުމަތީ ސަމުސާ ގާނާފަ ހުރި ލުނބޯ ތޮށި
4. 2/1 ޖޯޑު ލުނބޯ ޖޫސް
5. 1 ޖޯޑު ވިޕިން ކުރީމް
6. 3 މޭޒުމަތީ ސަމުސާ ހަކުރު

ޕައި ފުށްގަނޑު ހެދުމަށް ބޭނުންވާނެ ތަކެތި

1. 12 މޭޒުމަތީ ސަމުސާ ބަޓަރު
2. 3 ޖޯޑު ފުށް
3. 1 މޭޒުމަތީ ސަމުސާ ލޮނު
4. 1 މޭޒުމަތީ ސަމުސާ ހަކުރު
5. 3/1 މާޖިރިން ނުވަތަ ވެޖެޓަބަލް ޝޯޓެނިން
6. 6 މޭޒުމަތީ ސަމުސާ ފިނިކުރި ފެން

ތައްޔާރުކުރާނެ ގޮތް:

ޕައި ފުށްގަނޑު ހެއްދެވުމަށް ޕައި ފުށް ގަނޑަށް ބޭނުންވާ ހުރިހާ ތަކެތި އެއްކޮށްލުމަށްފަހު އައިސްއަލަމާރީގައި 30 މިނެޓް ވަންދެން ބަހައްޓާށެވެ.

ރަނގަޅަށް ޕައި ފުށްގަނޑު ފިނިވުމުން އައިސް އަލަމާރީން ނެގުމަށް ފަހު ބޭކިން ޓުރޭގައި ފަތުރާލާށެވެ. ( ހުރިހާ ފަރާތެއްވެސް ރަނގަޅަށް ފޮރުވޭވަރަށް ފުށްގަނޑު އަޅާލަންވާނެ.)

ގެރިކިރު،ހަކުރު،ބިހުގެ ގޮބޮޅި،ގާނާފަ ހުރި ލެމޮން ތޮށި އަދި ލެމޮން ޖޫސް މިކްސަރުގައި ގިރާލާށެވެ.

ރަނގަޅަށް ގިރާލެވުމުން ޕައި ޓުރޭގެ ތެރެއަށް އަޅުއްވާ 350 ޑިގްރީ ސެލްސިއަސް ގައި 15 މިނެޓް ވަން ފިހެލާށެވެ.

ފިހެވުމުން އަވަނުން ނަގާ، އައިސް އަލަމާރި އަށް ލެއްވުމުގެ ކުރިން ފިނިވަން ދެން ބޭރުގަ ބަހައްޓާށެވެ.

ފިނިވުމުން އައިސްއަލަމާރިން ނެގުމަށް ފަހު ވިޕް ކުރިމް، ވިޕް ކޮއްލުމަށް ފަހު ޕައި މަތީ ފަތުރާލާށެވެ.

މިއީވެސް ރާއްޖެއިން ފަސޭހައިން ލިބިލައްވާނެ ތަކެތިން ހަދާލެވޭނެ ފަސޭހަ ރެސިޕީއެކެވެ.