ޖާޒީ ވިއްކައިގެން މިދިޔައަހަރު އެންމެ ބޮޑު އާމްދަނީއެއް ހޯދީ ބާސެލޯނާ

ޔުއެފާގެ މިދިޔައަހަރުގެ މާލީ ބަޔާނުގައި ޔޫރަޕުގެ ކުލަބުތަކުގެ ތެރެއިިން 2023 ވަނަ އަހަރު ޖާޒީ އާއި އެހެނިހެން މުދާ ވިއްކައިގެން އެންމެ ބޮޑު އާމްދަނީއެއް ހޯދި 10 ކުލަބުގެ ތެރޭގައި އެއްވަނަ ބާސެލޯނާ އިން ހޯދައިފިއެވެ.

މިލިސްޓުގެ އެއްވަނަ ބާސެލޯނާ އިން ހޯދީ ޖާޒީ އާއި އެހެނިހެން ކުލަބުގެ މުދާ ވިއްކައިގެން 179 މިލިއަން ޕައުންޑްގެ އަާމްދަނީ އަކާއެކު އެވެ. މިއީ މިލިސްޓުގެ ދެވަނަ ހޯދި ރެއާލް މެޑްރިޑަށް ވުރެ 24 މިލިއަން ޕައުންޑް އިތުރު އަދަދެކެވެ. އަދި ލިސްޓުގެ ތިންވަނަ ލިބުނީ 147 މިލިއަން ޕައުންޑްގެ އާމްދަނީއެއް ހޯދީ ޖަރުމަނުގެ ޗެންޕިއަން ބަޔާން މިއުނިކް އެވެ.

މީގެ އިތުރުން މިލިސްޓުގައި ޕްރެމިއާ ލީގުގެ ފަސް ޓީމު ހިމެނޭ އިރު، މެންޗެސްޓާ ޔުނައިޓެޑް ފަހަތަށް ޖައްސާލުމަށްފަހު ހަތަރުވަނަ އަށް އެންމެ ބޮޑު އާމްދަނީއެއް ހޯދީ 132 މިލިއަން ޕައުންޑާއެކު ލިވަޕޫލުން ނެވެ. އަދި ލިސްޓުގެ ފަސްވަނަ ހޯދި މެންޗެސްޓާ ޔުނައިޓެޑަށް ޖާޒީ އާއި އެހެނިހެން މުދާ ވިއްކައިގެން އާމްދަނީގެ ގޮތުގައި މިދިޔައަހަރު ލިބިފައިވަނީ 130 މިލިއަން ޕައުންޑެވެ.

މިލިސްޓުގެ ހަވަނަ 97 މިލިއަން ޕައުންޑާއެކު ޕީއެސްޖީ ހޯދިއިރު، 89 މިލިއަން ޕައުންޑާއެކު ހަތްވަނަ ލިބުނީ ޕްރެމިއާ ލީގުގެ އާސެނަލް އަށެވެ. އަދި 87 މިލިއަން ޕައުންޑްގެ އާމްދަނީ އަކާއެކު ޗެލްސީ އިން އަށްވަނަ ހޯދިއިރު، 74 މިލިއަން ޕައުންޑާއެކު 9ވަނަ އިޓަލީގެ ޔުވެންޓަސް އިން ހޯދިއިރު، ލިސްޓްގެ 10 ވަނައިގައި އޮތް ޓޮޓެންހަމަށް ވެސް 74 މިލިއަން ޕައުންޑްގެ އާމްދަނީއެއް ލިބިފައިވާ ކަމަށް ޔުއެފާގެ މާލީ ބަޔާނުގައި ވެއެވެ.

މީގެ އިތުރުން މިލިސްޓުގެ ގަދަ 10 ގައި ނުހިމެނުނު އެންމެ ފާހަގަކޮށްލެވެނީ ޓީމަކީ މިދިޔައަހަރުގެ ޕްރެމިއާ ލީގާއި އެފްއޭކަޕްގެ އިތުރުން ޔޫރަޕުގެ ޗެމްޕިއަންކަން ހޯދި މެންޗެސްޓާ ސިޓީ އެވެ. ސިޓީ އިން ވަނީ 2023 ވަނަ އަހަރުގެ ޖުމްލަ އާމްދަނީގެ ގޮތުގައި ޕްރެމިއާ ލީގުގެ ރެކޯޑް އަދަދެއް ކަމަށްވާ 712.8 މިލިއަން ޕައުންޑް ހޯދާފައެވެ .