ބައެއް ވަޒީރުންނަށް ރުހުން ނުދޭތީ މަޖިލިސް ބޭރުގައި އިހުތިޖާޖު ކުރަނީ

ބައެއް ވަޒީރުންނަށް ރުހުން ނުދޭން އިދިކޮޅު މަޖިލިސް މެމްބަރުން ނިންމުމުން ރައްޔިތުންގެ މަޖިލިސް ބޭރުގައި ސަރުކާރު ސަޕޯޓަރުން އިހުތިޖާޖު ކުރަން ފަށައިފިއެވެ.

މިއަދުގެ މަޖިލީހުގެ ޖަލްސާގައި ވަޒީރުންނަށް ރުހުން ދިނުމަށް ވޯޓަށް އެހުމަށް ނިންމާފައިވާއިރު، އިދިކޮޅު އެންމެ ބޮޑު ޕާޓީ، އެމްޑީޕީން ވަނީ ގެދޮރުވެރިކަމާއި ބިމާއި އުމްރާނީ ތަރައްޤީ އާއި ބެހޭ ވަޒީރު ޑރ.އަލީ ހައިދަރު، އެޓާނީ ޖެނެރަލް، އަހުމަދު އުޝާމް، އިކޮނޮމިކް މިނިސްޓަރު މުހައްމަދު ސައީދު އަދި އިސްލާމިކް މިނިސްޓަރ ޑރ. ޝަހީމް އަލީ ސައީދުއަށް ރުހުން ނުދޭން ނިންމާފައެވެ.

އެމްޑީޕީގެ އިތުރުން ޑިމޮކްރެޓްސްއިންވެސް ވަނީ ބައެއް ވަޒީރުންނަށްވެސް ރުހުން ނުދޭން ނިންމާފައެވެ. އެގޮތުން ޑިމޮކްރެޓްސް އިން ނިންމާފައިވަނީ ފޮރިން މިނިސްޓަރު މޫސާ ޒަމީރާއި ބަންޑާރަ ނައިބު އަހުމަދު އުޝާމް އާއި ހައުސިން މިނިސްޓަރު ޑރ. އަލީ ހައިދަރު އަދި އިސްލާމިކް މިނިސްޓަރު ޑރ. މުހައްމަދު ޝަހީމް އަލީ ސައީދަށް ރުހުން ނުދިނުމަށެވެ.

މަޖިލީހުގެ ބޭރުގައި ސަރުކާރުގެ ސަޕޯޓަރުން އިހުތިޖާޖު ކުރަމުން އަންނައިރު، މި އިހުތިޖާޖުގައި މިނިސްޓްރީ ތަކުގެ ބޭފުޅުންގެ އިތުރުން ޕީއެންސީގެ ޗެއާޕާސަން އަދި ރައީސް، ޑރ. މުހައްމަދު މުއިއްޒުގެ ހާއްސަ މުޝީރު، އަބްދުއްރަހީމް އަބްދުﷲ ވެސް ބައިވެރިވެވަޑައިގެންފައިވެއެވެ.