މޯލްޑިވިއަނުން ހޯރަފުއްޓަށް ކުރާ ދަތުރުތައް އިތުރުކުރަނީ

ޤައުމި އެއަރލައިން މޯލްޑިވިއަނުން ހޯރަފުށި އެއަރޕޯޓަށް ކުރާ ދަތުރުތައް އިތުރުކުރަން ނިންމައިފިއެވެ.

މޯލްޑިވިއަން ހިންގަމުން އަންނަ އައިލެންޑް އޭވިއޭޝަނުން ބުނެފައިވަނީ، އަންނަ އޭޕްރީލްމަހުގެ 1ވަނަ ދުވަހުން ފެށިގެން ހއ. ހޯރަފުށި އެއަރޕޯޓަށް ހަފްތާއަކު 4 ދަތުރު ބޭއްވުމަށް ނިންމާފައިވާ ކަމަށެވެ.

މި ދަތުރުތައް އޮންނާނީ ކޮންމެ ހަފްތާއަކުވެސް އާދީއްތަ، އަންގާރަ، ބުރާސްފަތި އަދި ހޮނިހިރު ދުވަހު ކަމަށް އެކުންފުނިން ބުނެއެވެ.

މޯލްޑިވިއަނުން ހޯރަފުއްޓަށް މިހާރު ކުރަމުން އަންނަނި ހަފްތާއަކު 3 ދަތުރެވެ. އެގޮތުން މި ދަތުރުތައް ކުރަމުން އައީ ކޮންމެ ހަފްތާއެއްގެވެސް އާދީއްތަ، ބުދަ އަދި ހުކުރު ދުވަހުއެވެ.

ހޯރަފުށި އެއާޕޯޓަށް ދަތުރުތައް އިތުރުކުރުމާއެކު އެ އެއާޕޯޓުން ހިދުމަތް ހޯދަމުން އަންނަ ފަސިންޖަރުންނަށް އިތުރު ފަސޭހަތަކެއް ލިބިގެންދާނެ އެވެ.ގަ