ގެމަނަފުށި ބަނދަރު ތަރައްޤީކުރުމަށް އެމްޓީސީސީއާ ހަވާލުކޮށްފި

ގއ. ގެމަނަފުށި ބަނދަރު ތަރައްޤީކުރުމަށް އެމްޓީސީސީއާ ހަވާލުކޮށްފި އެވެ.

މި އެއްބަސްވުމުގައި މިނިސްޓްރީ އޮފް ނޭޝަނަލް ޕްލޭނިންގ، ހައުސިންގ އެންޑް އިންފްރާސްޓްރަކްޗަރގެ ފަރާތުން ސޮއިކުރެއްވީ ޑިރެކްޓަރ ޖެނެރަލް ފާޠިމަތު ޝާނާ ފާރޫޤެވެ. އެމްޓީސީސީގެ ފަރާތުން ސޮއިކުރެއްވީ ޗީފް އެގްޒެކެޓިވް އޮފިސަރ އާދަމް އާޒިމްއެވެ.

ގެމަނަފުށި ބަނދަރު ހެދުމުގެ މަޝްރޫއުގެ ދަށުން ރަށުގެ ބަނދަރުތެރެއާއި އައު ބަނދަރު 5.3 މީޓަރަށް ފުން ކުރުމާއި 201 މީޓަރުގެ ޖިއޯބޭގް ރިވެޓްމަންޓްޖެހުމާއި 221 މީޓަރުގެ ސޭންޑްފިލްޑް ބްރޭކްވޯޓަރ، ހެދުމާއި 11 މީޓަރުގެ ސަބްމާޖްޑް ބޮޑުހިލަ ބްރޭކްވޯޓަރ ޖެހުމާއި 405 މީޓަރުގެ އެލް-ބްލޮކް ވާޓަރުހެދުން ހިމެނެއެވެ. މީގެ އިތުރުން 39 ބަނދަރު ބައްތި އާއި 2 ނެރު ބައްތި ހަރުކުރުމާއި ކޮންކްރީޓް ޖެޓީ ޤާއިމްކުރުންވެސް މިމަސައްކަތުގެ ތެރޭގައި ހިމެނެއެވެ.

މި މަޝްރޫއު އެމްޓީސީސީއާއި ހަވާލުކުރައްވާފައިވަނީ 70.1 މިލިޔަން ރުފިޔާއަށް 570 ދުވަސް ތެރޭގައި ނިންމާގޮތަށެއެވެ.