ވެސްޓްބްރޫމް އަތުން އެއްވަރުވެ ޔުނައިޓެޑަށް ލީގު ހޯދުމަށް އިތުރު ހުރަސްތަކެއް

ޕްރެމެޔާ ލީގުގައި ރޭ ވެސްޓްބްރޫމް އަތުން މެންޗެސްޓާ ޔުނައިޓެޑް އެއްވަރުވެ ލީގު ހޯދުމަށް އިތުރު ހުރަސްތަކެއް އެޓީމަށް ކުރިމަތިވެއްޖެއެވެ.

ވެސްޓް ބުރޫމް ދަނޑުގައި ކުޅުނު މި ފޯރިގަދަ މެޗު ނިމގެން ދިޔައީ 1-1 ގެ ތަފާތަކުން ދެެޓީމުވެސް އެއްވަރުވެގެންނެވެ . މެޗުގައި ފުރަތަމައިން ލީޑު ނެގީ ވެސްޓް ބުރުމް އިންނެވެ. މި ގޯލު އެޓީމަށް ކާމިޔާބުކޮށްދިނީ މެޗު ފަށައިގެން '2 ވަނަ މިނެޓުގައި ފޯވާޑް އެމްބާޔޭ އެވެ . މި ގޯލާއިއެކު ޔުނައިޓެޑުން ލިބެމުންދިޔަ ފުރުސަތަކުގައި އިދިކޮޅު ގޯލަށް ނުރައްކާކުރަމުން ދިޔައެވެ. ނަތީޖާއަކަށް ވީ ފުރަތަމަ ހާފު ނިމެން މިނެޓަކަށްވެފައި އޮއްވާ ޔުނައިޓެޑުން ގޯލެއް ކާމިޔާބުކޮށް މެޗުގެ ނަތީޖާ ހަމަހަމަކުރި ހިސާބުންނެވެ. މި ގޯލު އެޓީމަށް ކާމިޔާބުކޮށްދިނީ އެޓިމުގެ ތަރި މިޑްފިލްޑާރ ބްރޫނޯ ފެނާންޑޭޒް އެވެ.

މިމެޗާއިއެކު ޔުނައިޓެޑް އޮތީ ކުޅުނު 24 މެޗުން ލިބުނު 46 ފޮއިންޓާއިއެކު ތާވަލުގެ ދެވަނައިގައި ކަމަށްވާއިރު އެއްވަނައިގައި އޮތް ސިޓީ އާއި ޔުނައިޓެޑް އޮތީ 7 ޕޮއިންޓުގެ ފަރަގެކެވެ. ވެސްޓްބްރޫމް އޮތީ ކުޅުނު 24 މެޗުން ލިބުނު 13 ފޮއިންޓާއިއެކު ތާވަލުގެ ނަވާރަ ވަނައިގައި އެވެ .