މުދައްރިސުންގެ ދުވަހާ ގުޅިގެން އެސްޓީއޯ އިން ހުރިހާ މުދައްރިސުންނަށް ޙާއްސަ ޑިސްކައުންޓެއް ތައާރަފްކޮށްފި އެވެ.

އެސްޓީއޯއިން ވިއްކާ ބައެއް ބާވަތްތަކުގެ މުދަލުން މުދައްރިސުންނަށް ޙާއްސަ ޑިސްކައުންޓެއް ލިބިގެން ދާނެ ކަމަށް އެސްޓީއޯއިން ބުނެއެވެ. އަދި މި ޑިސްކައުންޓަކީ މުޅި ރާއްޖޭގެ ހުރިހާ މުދައްރިސުންނަސް ލިބިގެންދާނެ ޑިސްކައުންޓެކެވެ.

މި ޑިސްކައުންޓަކީ އެއް ދުވަހަށް ކަނޑައެޅިފައިވާ ޑިސްކައުންޓެއް ނޫން ކަމަށާއި، މިއީ އެސްޓީއޯއިން ރާއްޖޭގެ ސަރުކާރު އަދި ޕްރައިވެޓް ހުރިހާ ސްކޫލެއްގެ މުދައްރިސުންނަށް ދޭނެ ޑިސްކައުންޓެއް ކަމަށް އެސްޓީއޯއިން ބުނެއެވެ.

އެސްޓީއޯ އިން ބުނީ، އެކުންފުނިން އަބަދުވެސް މުދައްރިސުންގެ އަގުވަޒަންކުރުމަށް އިސްކަންދޭ ކަމަށާއި، އަދި  މި ހަދިޔާ ރާއްޖޭގެ ހުރިހާ މުދައްރިސުންނަށް ކަމުދާނެ ކަމަށް އުންމީދުކުރައްވާކަމަށެވެ.