ހިލޭ އެހީގެ ދަށުން މިސްކިތްތައް އިމާރާތް ކުރުމަށް އެދޭ ތިން ފަރާތަކާއެކު އިސްލާމީ ކަންތައްތަކާބެހޭ ވުޒާރާއިން އެއްބަސްވުމެއްގައި ސޮއިކޮށްފި އެވެ.

އިސްލާމީ ކަންތައްތަކާބެހޭ ވުޒާރާގައި މިއަދު ބޭއްވުނު ހާއްސަ ރަސްމިއްޔާތެއްގައި އިސްލާމީ ކަންތައްތަކާބެހޭ ވުޒާރާގެ ފަރާތުން ސޮއިކުރެއްވީ އެ ވުޒާރާގެ ވަޒީރު ޑރ. ޝަހީމް އަލީ ސައީދު އެވެ.

ހިލޭ އެހީގެ ދަށުން މިސްކިތްތައް އިމާރާތް ކުރުމަށް އެދިގެން ހަވާލުކުރެވުނު ފަރާތްތައް

• އަލީމް ފައުންޑޭޝަން
• ވީސާ މޯލްޑިވްސް ޕްރައިވެޓް ލިމިޓެޑް
• އެސްޖޭ ކޮންސްޓްރަކްޝަން ޕްރައިވެޓް ލިމިޑެޓް

މި ރަސްމިއްޔާތުގައި ވާހަކަފުޅުދައްކަވަމުން އިސްލާމީ ކަންތައްތަކާބޭ ވަޒީރު ޝަހީމް ވިދާޅުވީ މި އެއްބަސްވުމުގައި ހުޅުމާލޭގައި ދެ މިސްކިތް ޤާއިމުކޮށް، ޒިކުރާ މިސްކިތް ތިން ބުރިއަށް އިމާރާތްކުރެވިގެންދާނެ ކަމަށެވެ.

ގިނަވެގެން ދެ އަހަރު ދުވަސްތަކުގެ ތެރޭގައި މި މަޝްރޫއުގެ މަސައްކަތް  ނިމިގެން ދިޔުމަކީ އަމާޒެއް ކަމަށްވެސް ވަޒީރު ވަނީ ވިދާޅުވެފައެވެ.

ހުޅުމާލޭގައި މިހާރުވެސް އަމިއްލަ ފަރާތްތަކުން ދަނީ މިސްކިތްތައް ބިނާކުރަމުންނެވެ. ބައެއް މިސްކިތްތައް ރޯދައަސް ހުޅުވުމަށް ވެސް ދަނީ ތައްޔާރުވަމުންނެވެ.