އިމާރާތެއްގެ 3 ވަނަ ފަންގިފިލާއިން އެއްލާލި ތުއްތު ކުއްޖަކު މަރުވެއްޖެ
ޝައުފާ އިސްމާއިލް
11/27/2022, 9:20:52 AM
maxresdefault
އިއްޔެ ހެނދުނު ލަންކާގައި ގްރޭންޑްޕާސްގެ އިމާރާތެއްގެ ތިން ވަނަ ފަންގިފިލާއިން އެއްލާލި 2 އަހަރު ނުވާ ތުއްތު ކުއްޖަކު މަރުވެއްޖެ އެވެ.
ލަންކާ ފުލުހުން ބުނީ ގްރޭންޑްޕާސްގައި ހުންނަ ސަމަގިޕޫރާ ހައުސިން ކޮމްޕްލެކްސްގެ ތިން ވަނަ ފަންގިފިލާއިން އެ ކުއްޖާ އެއްލާލާފައިވަނީ އިއްޔެ ހެނދުނު ކަމަށެވެ.
އެ ކުއްޖާ މަރުވީ ސީރިއަސް އަނިޔާތަކެއް ލިބި ކޮލަމްބޯގެ ލޭޑީ ރިޖްވޭ ހޮސްޕިޓަލް ފޯ ޗިލްޑްރަންގައި އެޑްމިޓްކޮށް ފަރުވާ ދެމުން ދަނިކޮށެވެ.
އިބްތިދާއީ ތަހުގީގަށް އެނގިފައިވާ ގޮތުގައި އެނދުގައި ނިދާފައި އޮތް ކުއްޖާ ބިއްލޫރިގަނޑުން ބޭރަށް އެއްލާލީ އެކުއްޖާގެ ބޮޑުބޭބެއެވެ.
މި މީހާއަކީ ތުއްތު ކުއްޖާގެ މަންމަގެ ބޭބެ ކަމަށާއި މަރުގެ މައްސަލާގައި އޭނާ ހައްޔަރުކޮށްފައިވާ ކަމަށް ފުލުހުން ބުނެއެވެ.
ފުލުހުން ބުނީ މި މައްސަލާގައި ތުހުމަތު ކުރެވޭ މީހާ މިއަދު ހަފްޓްސްޑޯޕް މެޖިސްޓްރޭޓް ކޯޓަށް ހާޒިރުކުރާނެ ކަމަށާއި، ގްރޭންޑްޕާސް ފުލުހުން ދަނީ އިތުރަށް ތަހުގީގު ކުރަމުން ކަމަށެވެ.