ތިނަދޫގައި ނުރައްކާތެރި އެކްސިޑެންޓެއް ހިނގައިފި

ގދ ތިނަދޫގައި ކާރަކާއި ސައިކަލެއް ޖެހި ނުރައްކާތެރި އެކްސިޑެންޓެއް ހިނގައިފިއެވެ.

މި އެކްސިޑެންޓު ހިނގާފައިވަނީ ތިނަދޫ ފުޓުބޯޅަ ދަނޑު ކައިރިންނެވެ. މި ހާދިސާގައި ސައިކަލު ގައި ތިބި ދެމީހުންގެ ތެރެއިން އެކެއްގެ ފަޔަށް ވަރަށް ބޮޑަށް އަނިޔާވެފައިވާ ކަމަށް އެސަރަހައްދުގައި ހުރި ގާފުގެ ނޫސްވެެރިޔާ މައުލޫމާތު ދެއެވެ.

މިހާރު އޭނާ ވަނީ ފަރުވާދިނުމަށް ތިނަދޫގައި ހުންނަ ޑރ.އަބްދުއްސަމަދު މެމޯރިއަލް ހޮސްޕިޓަލަށް ގެންގޮސްފައެވެ.

އެކްސިޑެންޓް ހިނގި ސަރަހައްދުގައި ފުލުހުން އަންނަނީ ހަރަކާތްތެރިވަމުންނެވެ. ނަމަވެސް އެކްސިޑެންޓާއި ގުޅޭ މައުލޫމާތެއް އަދި ފުލުހުން ހާމައެއް ނުކުރެއެވެ.