ސެނަހިޔާ ސަރަހައްދުގައި ބަސް ސްޓޮޕެއް ހަދަނީ
އައިޝަތު އިފާޝާ
10/27/2022, 8:30:18 AM
big_hdzMhv0rHAAYqAYY90d1o8RWy
މާލެއިން ހުޅުމާލެއަށް ބަހުގައި ދަތުރުކުރާ ފަރާތްތަކަށް ސެނަހިޔާ ހޮސްޕިޓަލު ހުންނަ ސަރަހައްދުގައި ބަސް ސްޓޮޕެއް ގާއިމުކުރަން އެމްޓީސީސީން ނިންމައިފިއެވެ.
އެމްޓީސީސީން ބުނީ ރާއްޖެ ޓްރާންސްޕޯޓް ލިންކު (އާރްޓީއެލް) ގްރޭޓާ މާލެ ސަރަހައްދުގައި ބަސް ދަތުރުކުރާ ރޫޓުތަކުގެ ތެރެއިން ކާނިވާ ބަސްރޫޓުން ހުޅުމާލެ ފޭސް އެކެއް އަދި ފޭސް ދޭކަށް ދަތުރުކުރާ ބަސް ރޫޓުތަކަށް ސެނަހިޔާ ސަރަހައްދުގައި މިއަދުން ފެށިގެން ބަސް ހުއްޓި އެއް އިތުރުކުރުމަށް ނިންމާފައިވާ ކަމަށެވެ.
ބަސް ހުއްޓި އިތުރުކުރާ ރޫޓްތައް:
ރޫޓް 2: މާލެ (ކާނިވަލް) - ހުޅުމާލެ ފޭސް 1
ރޫޓް 8: ހުޅުމާލެ ފޭސް 2 - މާލެ (ކާނިވަލް)
މި ރޫޓުތަކުން ބަސް ދަތުރުކުރާ އިރު މާލޭގައި ބަސް ސްޓޮޕްތައް މިހާރު ހުންނަނީ ތިން ސަރަހައްދެއްގައެވެ. އެއީ ބޮޑުތަކުރުފާނު މަގު ޗީބޯ ކެފޭ ކުރިމަތީގައި ހުންނަ ބަސް ސްޓޮޕާއި ލުއިބުއިން ކުރިމަތީގައި ހުންނަ ބަސް ސްޓޮޕާއި ކާނިވާ ބަސް ސްޓޮޕެވެ.