madaveli ded | | 21784
ފުލުހުންގެ ބެލުމުގެ ދަށުގައި ހުއްޓާ އިއްޔެ ހަވީރު ނިޔާވި ސްވެން ގދ. ހޯނޑެއްދޫ، އަބްދުﷲ ރަޝީދު (މާޓީ) ގެ އޮޓޮޕްސީއެއް ފުލުހުން ހެދުމަށް ނިންމާފައިވާކަމަށް އިއުލާނުކުރި ނަމަވެސް މަޓީގެ ހަށިގަނޑުގެ އޮޓޮޕްސީއެއް ހެދުމަށް އާއިލާއިން ދެކޮޅު ކަމަށް މާޓީގެ މަންމަ ބުނެފި އެވެ.
ރޭ ޑރ އަބްދުއްސަމަދު މެމޯރިއަލް ހޮސްޕިޓަލުގައި ހުރެ ގާފު ނޫހުގެ ނޫސްވެރިންނަށް ދެއްވި އިންޓަވިއުއެއްގައި މާޓީގެ މަންމަ ބުނީ ދަރިފުޅުގެ އޮޓޮޕްސީ ރިޕޯޓެއް ހެދުމަށް ނިންމާފައިވާކަން ފުލުހުން އާއިލާއަށް އަންގާފައި ނުވާކަމަށާއި އޮޓޮޕްސީ އެއް ހެދުމަށް ނިންމޭނީ އާއިލާގެ ރުހުން ލިބިގެން ކަމަށް ގަބޫލުކުރާ ކަމަށެވެ.
އެގޮތުން ދަރިފުޅަށް އިތުރު އަނިޔާއެއް ދޭން ބޭނުންނުވާ ކަމަށާއި ދަރިފުޅުގެ އޮޓޮޕްސީ ހެދުމަށް ހުއްދަ ނުދޭނެކަން މާޓީގެ މަންމާ ބުންޏެވެ.
ގާފު ނޫހަށް އިންޓައިވިއު ދިންފަހުން ފުލުހުންގެ އޮފިސަރަކު ވަނީ މާޓީގެ މަންމައާއި ބައްްޕައާއި ބައްދަލުކޮށް އޮޓޮޕްސީއެއް ހެދުމުގެ ހުއްދައަށް އެދިފައި އެވެ. ނަމަވެސް އެހުއްދަ އާއިލާއިން ދީފައެއް ނުވެއެވެ.
ފުލުހުންގެ މީޑިއާ އޮފިޝަލް ރޭގެ އިރާކޮޅު މިޑިއާތަކަށް މައުލޫމާތު ދެއްވަމުން ވިދާޅުވީ އަބްދުﷲ ރަޝީދުގެ އޮޓޮޕްސީއެއް ހެދުމަށް ނިންމާފައިވާ ކަމަށެވެ. ނަމަވެސް އާއިލާއިން މިކަމަށް ދެކޮޅު ހެދުމާއި އެކު އޭނާގެ ހަށިގަނޑުގެ އޮޓޮޕްސީއެއް ނެހެދުމަށް ނިންމާނެ ކަމަށް ބެލެވެއެވެ. ނަމަވެސް އަދި މިހާތަނަށް ފުލުހުން މިކަމާއި ގުޅިގެން އެއްވެސް އިތުރު މައުލޫމާތެއް ދީފައެއް ނުވެއެވެ.
ޑރ އަބްދުއްސަމަދު މެމޯރިއަލް ހޮސްޕިޓަލުގައި ތަހުލީލްތަކެއް ހެދުމަށް ފަހު މާޓީގެ ހަށިގަނޑު ރޭގެ ފަތިހުގެ ވަގުތެއްގައި ވަނީ މާލެ ގެންގޮސްފައި އެވެ. އާއިލާއިން މައުލޫމާތު ދޭގޮތުގައި މާޓީގެ ޖަނާޒާ އޮންނާނީ މާލޭގައި އެވެ.
ފަހުގެ
