viber_image_2022-10-20_14-56-31-253-650x350 (1)
މޯލްޑިވްސް ކަރެކްޝަނަލް ސަރވިސް (އެމްސީއެސް) އިން “ސެޓްފިކެޓް 1 އިން ސްޓަރޓިންގ އެގްރިކަލޗަރ” ކޯހުގެ ހަތް ވަނަ ބެޗް މާފުށީ ޖަލުގައި މިއަދު ފަށައިފިއެވެ.
ގައިދީން އިސްލާހުކޮށް ތަޢުލީމީ ފުރުޞަތު ހޯދައިދިނުމުގެ ގޮތުން ކުރިއަށްގެންދާ ޕްރޮގްރާމްތަކުގެ ތެރެއިން ހިންގާ މި ކޯސް ކުރިއަށްދާނީ ފަސް ހަފުތާއަށެވެ. މި ކޯހުގައި ޖުމްލަ 21 ގައިދީން ވަނީ ބައިވެރިވެފައެވެ.
މި ކޯހުގެ މަޤްޞަދަކީ ޤައިދީންނަށް ޖަލުގައި ދަސްކޮށްދޭ އެކި ހުނަރުތަކުގެ ތެރެއިން ދަނޑުވެރިކަމުގެ ހުނަރު ބިނާކުރުމާއި މި ކޯސް ފުރިހަމަ ކުރާ ގައިދީންނަކީ ޖަލުން ނިކުތުމަށްފަހު މުޖުތަމަޢަށް ބޭނުންތެރި މަސައްކަތެއް ކުރާ ބަޔަކަށް ހެދުމަށް މަސައްކަތްކުރުމެވެ.
ސެޓްފިކެޓް 01 އިން ސްޓާޓިންގ އެގްރިކަލްޗަރ ކޯސް ފަރުމާކޮށްފައި ވަނީ 10 މޮޑިއުލްގެ މައްޗަށެވެ. މިގޮތުން މި ކޯހުގައި ބައިވެރިވާ ޤައިދީންނަށް ދަނޑުވެރިކަމަކީ ކޮބައިކަމާއި، ގަސް ހައްދާނެގޮތައި، ގަހަށްޖެހޭ ބަލިތަކާއި، ގަސްއިންދުމަށް ބިންތައްޔާރުކުރާނެގޮތް ދަސްކޮށްދެވޭނެއެވެ.
މި ކޯހަކީ މޯލްޑިވްސް ކޮލިފިކޭޝަންސް އޮތޯރިޓީ އިން އެކްރެޑިޓް ކޮށްގެން އިންސްޓިޓިއުޓް ފޯރ ކަރެކްޝަނަލް ސްޓަޑީޒް (އައިކޯސްޓް) އިން ކުރިއަށް ގެންދާ ކޯހެކެވެ. އަދި މި ކޯހުގައި ކިޔަވައި ދެއްވާނީ އައިކޯސްޓްގެ މުދައްރިބެކެވެ.
ގުޅުންހުރި
ޖަލު އޮޕަރޭޝަން: 8 ޔުނިޓެއް ބަލައި ފާސްކޮށް 29 ފޯނު ހޯދައިފި
މާފުށި ޖަލުގައި ހިންގި އޮޕަރޭޝަނެއްގައި މޯބައިލް ފޯނުތަކެއް ހޯދައި ފުލުހުންގެ ބެލުމުގެ ދަށަށް ގެނެސްފި
ގައިދީންނަށް ކުރިޔަށް ގެންދާ ދަނޑުވެރިކަމުގެ ކޯހުގެ7 ވަނަ ބެޗު ފެށިގެން ކުރިޔަށް!
ޖަލުގައި ހުއްޓާ ނަޝީދު ނިޔާވި މައްސަލަ އެޗްއާރުސީއެމުން ބަލަން ފަށައިފި
ފަހުގެ
